Page 32 - HOSPITAAL

E ta reacciona riba un relato di prensa emiti pa Gobierno bisando cu el a entrega su
computernan. Den e relato ta insinua comosifuera e Specialista di profesion a horta e
ekiponan y despues entreganan back.

“Laga mi desapunta e Gobierno actual cu mi nunca a horta nada y mi no ta den un
situacion cu mi mester horta un computer bieu tampoco”, di acuerdo cu e ex
mandatario.

Locual a pasa, segun Schwengle, ta cu ora e periodo di gobernacion a caba, a manda
un carta pa Directie Financien pidiendo pa cumpra e ekiponan personal cu el a uza.
Esey pasobra el a custuma traha cu nan e ultimo añanan. A dura Gobierno no menos di
5 luna pa contesta cu nan lo no bende e ekiponan personal, sino cu nan kier nan back.

Esey ta precisamente locual a haci tambe.

“Pero pa haci awo comosifuera cu ta horta mi a horta nan, no ta algo cu mi ta aprecia
ni tampoco acepta! Mi no ta den politica mas, pues mi no tin tempo pa cada bes kita

tempo valioso cu mi ta dedica na mi pashentnan, pa bay contesta poco nobato den
politica, cu ta worde dirigi pa e politico cu mas a bay atras den e ultimo eleccion”.

Di otro banda, e experto riba tereno medico ta lamenta cu, mientras e Gabinete actual

ta dedicando tur atencion na persecucion politico, cu e industria di salud publico, di
cuido di nos grandinan y di deporte ta totalmente paralisa pa no menos cu 5 luna largo.

“E Ministerionan ey ta grandi y ta rekeri atencion diario. Si e hoben politico sigui dedica

tur su energia den core tras di mi laptop y mi celular bieu, hamas e lo yega na atende e
retonan cu ta biba den nos industria di salud publico”, segun e ex mandatario.

Specialmente pasobra, segun Schwengle, cu mayoria di e departamentonan no a haya

bishita oficial di e Minister nobo, pa nan por splik’e kico ta come y bebe den nan
departamento. “Locual si nos a tuma nota ta cu Gobierno ta yenando e
departamentonan cu yen di hende, sin cu DRH ta dunando conseho y ta hasta
necesario”, asina Dr. Alex Schwengle a termina bisando.