Page 42 - HOSPITAAL

AZV a bisa cu pa maneho di esaki lo mester a bay directamente na hospital.
Esaki a tuma luga cu e director medico di hospital. OPPA a sali un tiki mas
convenci cu esey ta temporal, ya cu e seccion nobo a wordo traha pero e

cantidad di camber no a bira mas grandi. Y e pregunta cu a keda ta pakico nan
no ta haci esaki den un forma adecua, unda cu lo por a crece den number di

camber y otro punto lo ta cu hende homber cu hende muhe ta wordo hinca den
e mesun camber y Sr. Ivo Valdes a referi cu nan no ta contento cu esaki

pasobra cu esaki no ta custumber di nos.
Mas aleu, Sr Valdes a sigui bisa cu no por bay introduci cambionan sin haci e

consulta previo cu pueblo, unda cu un investigacion lo mester a wordo haci
prome cu accionnan wordo aplica. Cambionan por bin pero cu consentimento di
ambos partido. Ningun momento a haci un investigacion kico pueblo ta pensa di

e asunto ey, cu bo ta bay den un camber cu hende homber of hende muhe.
Den todo caso reunion a bay hopi bon di director medico di hospital, diferente

na esun di AZV. E director a bisa OPPA cu si ta necesario pa duna splicacion na
e miembronan, e lo haci esey, ya cu lo tin otro reunion general cual lo tuma

luga dia 22 di April awo. Tanten e renobacion ta tuma luga, nan no a haya un
contesta pero no lo por keda paga pa un servicio cu no ta existi mas den e caso

di eerste cu tweede klas. Pa cuanto tempo esaki por keda asina, e director
medico tampoco no por a duna un tempo specifico.
Pensionadonan no por keda paga pa un servicio cu no ta existi mas. AZV

tampoco no por keda laba man, unda cu como dunado di trabou nan lo tin cu
responde y pensionadonan ta paga mas prima pa cuido medico cu

parlamentarionan mes, anto e ora nan tin e derecho pa pone keho, segun Sr.
Ivo Valdez, di sindicatonan di pensionadonan, OPPA.