Page 13 - AWEMAINTA

Diahuebs, 14 Juni 2018 AWEMainta 13

Mariniers Kazerne a haci donacion di sumanan

recauda pa un bon causa

DIARAZON ultimo, Pater Paul Vlaar y
Kazerne Adjudant Gert Verwoert, na nomber di
Comandante y personal di Mariniers Kazerne
Savaneta, a haci entrega di algun check na
fundacion HOPE, y na SGT Peppers & Friends.
Tur esaki a tuma lugar den studionan di Fresh
FM.

Ambos fundacion e aña aki a keda electa pa haya
recaudacion cu a ser teni dia 1 di mei ultimo, cu
e Open Dag tradicional. H.O.P.E y SGT Peppers
& Friends, ambos fundacion a haya cada uno
e suma bunita di 10.500 AWG. E donacion
aki a ser genera a base di benta di cuminda y
huurmento di algun localidad.

Comandante di Mariniers Kazerne Savaneta y
su personal kier a gradici cada uno di nan cu a
haci esak un exito, pa di manera aki por a haci un
donacion cuantioso. Defensa Caribense ta desea
ambos fundacion tur clase di exito y nan sa di
haci bon uso di e fondonan recibi pa nan sigui
cu e bunita trabao cu nan ta bin ta haciendo.

Ta bon pa informa cu ainda tin varios premio di
e rifa cu ainda no a ser busca. Si abo ta kere cu
bo a gana, acudi na Mariniers Kazerne Savaneta
pa busca bo premio.