Page 53 - HOSPITAAL

Dr. Alex Schwengle na radio: No tin ningun peliger di
bacteria na Hospital

Monday, 17 July 2017 20:55
1

Comparti

E noticia cu "News Dinamico" a publica dialuna via whatsapp a bay viral y causa panico innecesario.
Minister dr. Alex Schwengle durante un programa na radio dialuna atardi via Canal 90 a desmenti cu tin
un laboran
t cu a pega cu cualkier bacteria na Hospital y cu e ta luchando entre bida of morto. El a confirma cu a
papia cu e Director di Cuido awetardi y e tambe a bisa mesun cos.

"Pa bisa cu tin un hende malo na Hospital no por ta serio, pasobra hende bon no ta interna den hospital",
asina e mandatario a splica den forma sarcastico na radio. E ta referi cu automaticamente si un hende ta
interna den hospital, cu ta di mes e ta sufriendo un kebrante di salud.

Sinembargo, ni e mandatario y ni Hospital no por divulga secreto di pashent. Pues pa bay bisa awo cu si
tin pashent eyden cu tin semehante enfermedad ta viola privacidad di pashent. "Esey ni Hospital y ni mi
mes como dokter hamas lo haci", asina e Minister, kende alabes ta un Longarts a confirma.

Pa loke ta traha bacteria den Hospital, sin cu kier confirma of desmenti esey awo, el a reafirma cu
Hospital tin protocol cu ta drenta na vigor asina cu tin sospecho cu un pashent tin bacteria. Mesora ta
isola e pashent y nursenan ta acerk'e y brind'e cuido di un forma diferente. Esey no kiermen cu ta henter
e Hospital e ora ta infecta of ta core peliger.

E mandatario ta sinti cu e asunto aki tin di haber cu campaña politico, den cual ta purba atacha e
industria di cuido riba nos isla. E ta lamenta cu e media aki, conoci for di e skina di opocion, ta purba
sembra panico innecesario den comunidad.