Page 13 - MIN JUS AUG 21, 2015

Pagina 8 Diabierna 21 Augustus 2015

Homber cu

a cana horta

cos den

Supermarket,

deteni

Central a manda Polisnan
diarazon 8:35, na Famia
Supermarket na Brasil pa
un asistencia. Na e sitio e
doño W. a bisa cu pa mas
o menos 7:15, un homber
desconoci a drenta e
supermarket diferente biaha.
Mas o menos 7:23 W, naci
na China a mira e grabacion
di video y a mira cu e
homber a bay cu 8 botter di
shampo Pantene. E homber
a hinca e botternan den un
tas preto. Polis tambe a mira
e grabacion y a reconoce e
homber J.L. Alexander, naci
na Santo Domingo, cu mas
tempran a horta na Save
a Lot Supermarket tambe.
Alexander tabata bisti cu
un sweater blanco y carson
largo blauw cu un bril cu glas
biña cu un tas den su man.
Riba e video polis a mira
cu el’a drenta den un auto
Susuki Baleno blauw. W. a
duna Polisnan un USB stick,
cu e grabacion. Polis a bay
warda di Polis y na haltura
di Zeewijk Polis a topa e
Suzuki Baleno blauw. Polis
a reconoce Alexander como
chauffeur. Relaciona cu esey,
el a keda deteni y hiba warda
di Polis na San Nicolas.
Polisnan a confisca e auto
Suzuki Baleno A-12179 y
hiba warda di Polis, mirando
cu e no tabata tin ningun
papel valido.