Page 49 - MIN ON SEPT 22, 2015

Fotografo Leo Fun: "Minister Michelle Hooyboer-Winklaar a haci di e shoco un simbolo
nacional"
Monday, 21 September 2015 20:56
Comparti

Recientemente fotografo Leo Fun a bishita Minister Michelle Hooyboer-Winklaar na su oficina, pa haci
entrega di un potret na e mandatario su coleccion di ilustracionnan di shoco. E titular di enseñansa a keda
masha gradici pa e bunita gesto.
Minister Michelle Hooyboer-Winklaar a comenta cu e gusta potret di shoco, el a haya diferente potret di e
simbolo nacional regalo, pero cu semper e tin luga pa mas.
Leo Fun a splica cu su gesto ta un muestra di gratitud na MinisterHooyboer-Winklaar pa su esfuersonan,
for di cuminsamento te na e ultimo firma, via di tur canal y finalmente Parlamento, pa haya status di
proteccion pa e shoco y decreta e parha un simbolo nacional.
E potret cu el a entrega ta saca den Franse Pas unda cu e y Dick Heiting, un di e partnernan den e
exposicion, a topa cu e shoco.
E exposicion “New Light 2015” ta habri na Biblioteca Nacional na George Madurostraat riba dialuna,
diaranson y diabierna for di 8:00am pa 8:00pm y riba diamars y diahuebs for di 8:00am pa 5:00pm.
Leo Fun a bolbe Aruba despues di 55 aña y a uni cu Dick Heiting, kende ta bibando aki pa 15 aña. Hunto
cu un di tres fotografo, Robert Angela Osma, nan a organisa e exposicion.
E potretnan di Fun y Heiting tin como tema paisahe, hende y animalnan di Aruba, tanten cu Angela Osma
ta presenta un estilo diferente di mira Aruba. E exposicion ta habri te cu dia 2 di october.
Minister Hooyboer-Winklaar a splica cu Biblioteca Nacional tin un bon espacio pa organisa exposicionnan
di arte y e ta encurasha e tipo di exposicionnan manera esun tumando luga actualmente.
Talentonan den arte, manera fotografia, pintura, y otro disciplina nan ta invita pa acerca Biblioteca
Nacional pa haci uzo di e espacio aki tambe. E sala ta na disposicion di nos comunidad di scolnan,
instancianan y individuonan cu kier mustra publico general nan creacionnan, den consulta cu Biblioteca
Nacional.