Page 56 - MIN ON SEPT 22, 2015

Minister Arthur Dowers riba pensamento di
Raad van State No por t’asina cu un pais

grandi ta impone su mes riba un pais chikito

on: Tuesday, September 22, 2015In: LocalNo Comments
Print Email

“No por t’asina cu un pais grandi ta impone su mes riba un pais chikito, simplemente esey no
por. E no ta cuadra cu decencia y ta bay en contra di e derecho fundamento di
autodeterminacion. E intervencion di Hulanda aña pasa tabata indeseabel y manera Raad van
State a bisa “ilegal”,” esaki ta loke Minister di Husticia Arthur Dowers a duna di conoce dialuna
mainta den un conferencia di prensa.
El a reacciona riba e opinion cu Raad van State a duna encuanto e Indicacion duna na
Gobernador di Aruba, Fredis Refunjol, pa no firma e presupuesto 2014 di Aruba. Tabata Tweede
Kamer cu a haci un peticion na e seccion huridico di Raad van State pa analisa e dunamento di
“aanwijzing” na Gobernadornan di e paisnan Hulandes den e area Caribense.
E loke ta para den e carta di Raad State, segun e mandatario, no tabata diferente di loke Aruba y
expertonan a bisa caba despues di e sucedido aña pasa. Di tur manera “nos kier ilustra algun
punto pasobra tin algun persona cu toch kier crea cierto esfera, hustificando loke a tuma luga”,
Dowers a bisa.
Tur e discusion, e mandatario a enfatisa, tabata riba e procedura cu a wordo hiba, si e por wordo
hustifica bou di e circumstancianan cu el a tuma luga. “Y Raad van State a bisa bon cla cu esaki
no por a wordo hustifica.” Si a scoge e Set featured imageprocedura ey, e mester a cana e
“Koninklijke weg”. El a splica cu tin algun aspecto cu ta regarda Reino cu mester cana e
caminda aki y algun di nan ta proteccion di derechonan fundamental di ciudadano y
“deugdelijkheid van bestuur”, y algun otro cos mas. Na momento cu un di e puntonan specifico
ta na peligro, e ora ey Reino por actua. Pero tambe interesante, segun el a lesa den e opinion di
Raad van State, cu ora di actua mester tene cuenta cu e posibilidadnan di e pais.
A wordo bisa cu Gobernador lo por a bisa cu e ta wanta e “aanwijzing” y informa Rey di e
decision cu el a tuma y pakico el a hacie. Den un caso asina, Raad van State ta cay aden pa duna
un veredicto cu si loke e funcionario a haci tabata corecto of no. Na final, dependiendo di e
decision, e lo por firme of no.
Minister Dowers a splica cu e responsabilidad cu Gobernador tin pa proteccion di derechonan di
Reino, por wordo haci unicamente ora cu keda constata cu e pais mes ya no ta den e posicion pa
sirbi su mes. Pues despues di discusionnan basta profundo cu e pais, locual, e minister a bisa, no
a tuma luga. Pues no ta hustificabel cu ambtenaarnan for di Hulanda ta duna instruccion na
Gobernador pa no firma e ley y tampoco cu Gobernador riba su mes ta haci e escogencia sin cana
e procedura cu Statuur ta menciona.
E mandatario a recorda discusionnan pisa cu tabatin den pasado riba asuntonan di prizon, cu
Minister Hirsch Ballin, y via di Gobernador a pone un tipo di supervision riba funcionamento di
prizon tanto na Aruba como na Corsou y Sint Maarten. E Gobernadornan mester a monitor e
situacion y raporta na Reino. Pero, mester a haci esaki denter di posibilidadnan di e pais pa cual
nan a manda ayudo tecnico pa Corsou pa garantisa cu conhuntamente un bon funcionamento.