Page 19 - UTILITIES
P. 19
Conforme decision di ABA: WEB y ELMAR
ENTRANTE 23 DI APRIL LO NO ACEPTA
PAGO CU CHEQUE MAS
February 28, 2018
ORANJESTAD – Companianan di utilidad WEB Aruba y ELMAR ta anuncia cu entrante 23 di april 2018 nan
lo no acepta pago haci cu cheque mas. Esaki relaciona cu e decision di Asociacion di Banconan di Aruba
(ABA), pa descontinua e uzo di cheque como un metodo di pago entrante 1 di mei 2018. Ta conseha clientenan
pa haci pago online of via banco, pero tambe lo por paga cash of cu Maestro ainda na loketnan di WEB Aruba,
ELMAR y oficinanan di gobierno.
WEB CARE y E-Connect
E hecho cu no ta acepta pago cu cheque mas ta ofrece un bon oportunidad pa explora e posibilidadnan pa haci
pago di cuentanan di awa y coriente online. Haci pago online ta sosode hopi rapido y no ta mara na orario di
oficina. Asina ta evita di perde tempo pa para den rij.
Ta recomenda clientenan pa bishita ‘WEB Care’ riba webaruba.com of ‘e-Connect’ via elmar.aw caminda ta
haña informacion amplio di cuentanan habri, historia di pago y consumo di awa y coriente. Riba e portalnan
aki tambe ta haña informacion di con ta haci pago via online banking via bo banco preferi.
