Page 31 - AM 23 SEPT,2015

AWEMainta Diaranson, 23 September 2015 31

Empleadonan di RBC
Royal Bank a participa
den Aruba Reef Care
Project 2015

DIADOMINGO ultimo, dia 20 di september, Aruba Reef

Care Project a tuma luga y un biaha mas un grupo grandi
di empleado di RBC a forma parti di e clean up aki rond di
Aruba. RBC su empleadonan a crea dos grupo den cual un
grupo a hasi e area di De Mill limpi y e otro grupo a hasi e
area di Arashi.
RBC, como un di e sponsornan principal, ta orguyoso di
por forma parti di e proyecto grandi aki pa conscientisa
nos pueblo tocante nos medio ambiente y pa proteha e bida
maritimo di Aruba. Dor di haci un donacion anual na Aruba
Reef Care Project y alavez dor di participa activamente cu
su empleadonan, RBC ta yuda pa Aruba Reef Care por sigui
cu e bon trabow pa nos isla.

Kooyman ta contento
di contribui cu
material p’e prome
edicion di TEDxAruba

TED.COM ta un plataforma global pa ideanan valioso

pa comparti. TEDx t’e nomber pa un evento di TED cu ta
organiza independientemente, di cual pa prome biaha
ta wordo organiza na Aruba. TEDxAruba, un encuentro
unico den nos comunidad cu lo inspira y informa riba
tur nivel di sosteniblidad. Un plataforma cu ta atrae
personanan den e areanan di Tecnologia, Educacion
y Diseño cu e proposito pa comparti nan conceptonan
sostenibel cu Aruba y mundo completo.

Kooyman ta contento di por contribui cu materiaal
pa crea e prome ‘Innovation Lab’ cu lo contribui
como un expo area na TEDxAruba, unda compania of
organisacionnan por demostra nan tecnologia, producto
of idea di mas inovativo. Nos ta invita comunidad di
Aruba pa tuma e oportunidad pa ta presente n’e evento
di TEDxAruba, awe 23 di september pa 6or di atardi. Pa
mas informacion bishita: www.texaruba.com