Page 140 - FLIP KPA



A detene 25 hende y parti 10 mil
florin na multa den fin di siman

Posted on 02/9/2015 11:38 am AST | Updated on 02/9/2015 11:40 am AST

ORANJESTAD – Den fin di siman di carnaval (cu excepcion di parada di
diadomingo pasobra no tin cifra di esey ainda), polis a detene 25 hende total, y
reparti mas di 10 mil (10.3070) florin na multa. Polisnan a subi caya cu mas di140
hende, parti den departamentonan di Polis y di administracion, pa atende e
multitud grandi cu a participa den parada y esunnan cu a para banda di caminda
durante e parada. Hunto nan a percura pa menos asistencia, pero tambe pa percura
pa mas siguridad na publico en general. Entre esnan deteni tin di haber cu posesion
di marihuana, cocaina, pildernan XTC y sin lubida posesion di arma blanco y
stroba trabou di Polis.

Tambe e grupo di Mobiele Eenheid tabata cu mannan yen pa cu diferente pelea y tambe
persona nan cu droga den nan poder durante fin di siman. E no tabata facil. Henter
marduga tabata tin diferente melding cu a drenta y cu e agentenan mester a actua. Tabata
tin listramento tambe cu a trece asina e seguridad pa e otronan cu tambe tabata presente
pa e actividad aki. Na prome instante semper esnan deteni tin boca grandi pero na
caminda ora e multa wordo presenta y mishi cu nan cartera e ta pone nan reflecciona cu
ta mihor nan a comporta nan mes.

http://noticiacla.com/news/2255