Page 97 - FLIP KPA

Diadomingo den dia cla algun persona a haya bon di purba denta na warda di polis na Balashi. Eyden tin
basta vehiculo confisca y den pasado a yega di drenta horta brommernan completo bai cu nan.
Diadomingo den dia cla a bolbe purba.
E miembro di CEA cu ta vigila e lugar a bati alarma. Mesora varios unidad di polis a yega. E cura parti
patras e ladronnan a bula. Con nan a drenta no ta conoci pero e huida tabata di e cora patras. Dos
persona hoben nan tabata. Polis a yega mesora y cuminsa un buskeda. No a topa cu e dos personanan y
no ta conoci tampoco si algo a wordo hiba.

http://www.24ora.com/policial-mainmenu-8/91586-ladronnan-mira-den-cura-di-polis-na-warda-di-
balashi

Bou vigilancia estricto: DEA a bin Aruba busca hopi droga pa
wordo investiga

Sunday, 08 February 2015 23:20
Comparti

Den fin di siman mientras cu Aruba ta den gara di carnaval tabata tin tambe otro cosnan pasando riba
nos isla. Na e aeropuerto priva na e parti zuid tabata tin un movecion cu agentenan fuertemente arma.
Team di Aresto di Aruba hunto cu e departamento di droga tabata envolvi den e caso aki. Departamento
di Droga di Merca DEA a manda un avion priva cu nan tin te aki pa busca masha hopi droga cu ta wordo
investiga e momentonan aki. Esaki ta un proceso normal cu a yega di pasa mas biaha. Nan mes ta manda
e avion y hunto cu e coperacion existente e proceso di transporte cu agentenan fuertemente arma ta tuma
lugar. Aruba ta copera cu autoridad Mericano den gran forma pa asina hunto combati loke ta
narcotrafico. Un di e ultimo hayazgonan den nos awa tabata di e avioneta cu Venezuela mes a tumba y
cual avioneta yena cu droga a cay den nos awanan teritorial. Pa e investigacion y coperacion ta
importante pa DEA na Merca haya e diferente pakinan cu droga pa asina a base di e pakinan haci
investigacion. Asina ta link un caso cu otro y yega na e grandinan den narco trafico. Hopi droga ta purba