Page 3 - POST AUA
P. 3
Post Aruba N.V. cu encuesta riba nivel di servicio na cliente
Monday, 11 April 2016 16:58
Comparti
Post Aruba NV a organisa un encuesta pa midi e opinion di publico general relaciona cu e servicio cu nan
ta brinda a traves di nan lista di producto y servicionan na cliente. Via e encuesta kier haya datonan
cientifico riba kico publico ta pensa di e compania pa asina por tin un miho bista unda pa adapta y
mehora servicio.
Tambe e ta un bon oportunidad pa midi si tin mehoracion si compara e ultimo añanan. Diariamente Post
Aruba N.V. ta haci hopi esfuerso, por medio di cursonan special, adkisicion di autonan y brommernan
nobo, y añadiendo servicionan extra, pa por brinda mas y miho servicio na clientenan. Ta bisto cu henter
e concepto di partimento di carta ta cambiando, despues di introduccion di internet y email. Pero asina
mes ta keda un cantidad di servicio necesario, banda di productonan nobo cu awor ta mas popular
manera E-Post ora di bestel productonan online for di Merca of otro paisnan, pa cual Post Aruba N.V. ta
entrega te na cas of oficina. Tambe tin e linea di servicionan corporativo cu ta inclui prueba digital di e
entrega.
E encuesta aki ta prepara pa un studiante cu ta haciendo su “stage” na e departamento di mercadeo y
promocion di Post Aruba N.V. y como tal e resultado final ta forma parti di su tesis. E encuesta aki ya ta
accesibel via Facebook riba e pagina di E-Post y Aruba Stamps. Ta pidi tur cliente pa “Like” e pagina,
yena e encuesta y bo tin chens di gana un “lunch pa 2 persona” cu Post Aruba. Pa mas informacion riba
servicionan di Post Aruba N.V., bishita e website www.postaruba.com of check nan paginanan riba
Facebook, cu ta E-Post Aruba y Aruba Stamps.
