Page 4 - Imsam 17 JULY 2015

Proceso pa cu salanan di operacion y servicio di radioterapia
ta andando

Publication: Friday, 17 July 2015. Categoria: General

ORANJESTAD (AAN): Den un entrevista e titular di salud publico, dr. Alex Schwengle, a
comenta tocante dos proceso pa cu inversionnan den salubridad cu ta andando actualmente, esta
e construccion di salanan di operacion nobo na Dr. Horacio Oduber Hospitaal y e expansion di
servicionan na IMSAN.

Minister Schwengle a splica cu e proceso pa e salanan di operacion ta andando. E plannan lo
wordo concretisa proximamente pa despues e begroting wordo traha y e por bay Parlamento cu e
proyecto.

Encuanto di e proyecto pa un centro di oncologia na IMSAN, esaki tambe ta trahando duro riba
dje. Definitivamente mester bin cu radioterapia Aruba y loke ta trahando riba dje awo ta e
garantianan di parti di gobierno pa IMSAN por bay riba mercado liber pa busca nan mesun
financiamento.

IMSAN ta inclui den e inversion di e centro di radioterapia tambe e salanan di operacion y
cambernan pa acomoda pashentnan cu ta acudi na e centro pa intervencionnan pa cual e pashent
no mester keda interna, den e sentido cu e ta un “dagopname” y e pashentnan no ta keda drumi.

E inversion cu IMSAN mester di dje y pa cual e ta bay pidi fiansa, ta di entre 30 pa 40 miyon
florin, e minister a conclui bisando.

http://www.diario.aw/2015/07/proceso-pa-cu-salanan-di-operacion-y-servicio-di-radioterapia-ta-
andando/