Page 49 - MIN,JUS JUNE 18

40 persona lo ricibi nan nacionalidad
Hulandes retroactivamente

on: Thursday, June 18, 2015In: LocalNo Comments
Print Email

Diahuebs, dia 11 di juni ultimo, Minister di Planificacion, Infrastructura y Integracion, a firma un
orden cu un grupo en particular, e tempo ey menor di edad, personanan cu no ta co-naturalisa
den e periodo di dia 1 di juni, 1992 pa April 1, 2003, cu nan mayor of mayornan, por obtene
awor nacionalidad Hulandes retroactivamente. Ta trata aki di 40 persona.
E regulacion cu a drenta na vigor a wordo realisa den colaboracion estrecho entre e
Landsdiensten manera DIMAS y DBSB/CENSO y den estrecho cooperacion cu otro
autoridadnan colega na Corsou y St. Maarten, caminda e mesun problematica a tuma lugar.
Pa implementa e reglamento aki, Censo a cuminsa invita individualmente personanan involucra
directamente. Ta di spera cu tur parti interesa prome cu fin di e luna aki a wordo yuda pa Censo.
Esaki ta pa tur, un periodo di confusion y incertidumbre, a yega na un bon fin.

SENTENCIA DI HOF
Den e reciente sentencia di Corte Comun di Husticia, Corte a haya solamente den dos caso
specifico y individual un emision di e minister responsabel cu casonan di stranhero di dia 30 di
Maart 2015, tabata determinante pa conclui cu e partinan interesa, den retrospectiva, sin
embargo, a informa e naturalisacion di nan mayornan.

MANEHO DI CENSO
For di reciente informenan di prensa, tras e reciente decision di Corte Comun di Husticia, a haya
e impresion cu por crea cu Censo no a tuma solicitudnan di paspoort den consideracion y cu
Censo inhustamente lo a wanta e personanan aki for di su nacionalidad Hulandes. Gabinete di
Gobernador a enfatisa cu ta trata aki di factornan for di nan lugar. Censo, pa e motibo ey a actua
corectamente y di acuerdo cu ley y reglamentonan aplicabel den e desempeño di nan tarea.
Gobierno ta satisfecho cu e ehecucion di paspoort di Censo y tin tur confianza den e siguridad y
precision di proceso di emision.

EMISION DI PASPOORT
Gabinete di Gobernador ta compromete na informa publico cu den cuadro cu e articulo 26, lid 1,
inciso 40 lid 1b di ley di paspoort, Gobernador di Aruba ta e autoridad competente pa e
expedicion di paspoortnan Hulandes na Aruba. Gobernador ta responsabel di e procesonan
corecto y sigur di otorgacion di paspoort, di acuerdo cu normanan estableci den e Ley di
Paspoort. Censo ta wordo ordena pa Gobernador di Aruba pa e otorgamento di paspoort na
residentenan di Aruba y ta duna e paspoortnan aki den nomber di Gobernador.
A base di e ley di paspoort, mester suministra suficiente siguridad cu pa por proporciona riba e
identidad y nacionalidad di e solicitante. Esaki ta nifica cu Censo tin e obligacion, den nomber di
Gobernador, pa obtene e siguridad den cada solicitud di paspoort, pa controla y actua segun
reglanan di e ley di paspoort. Gabinete di Gobernador ta trahando estrechamente cu Censo, pa
mantene consultanan periodico y controla e proceso husto di Censo di cerca.

http://masnoticia.com/40-persona-lo-ricibi-nan-nacionalidad-hulandes-retroactivamente/