Page 63 - ttc mrt 23

pronosticonan y avisonan meteorologico di departamentonan meteorologico. E beneficio
economico di datonan climatico/meteorologico como pronostico di termino largo por wordo
balora na 100 miyon Dollar.
E pronosticonan y conocemento di clima mester wordo usa pa formula politica y elebora
plannan di accion cu lo yuda den termino largo pa un pais ta para mas duro contra desasternan
natural. Tambe e datonan lo yuda pa un economia mas berde.
Meteo Aruba ta un departamento primordial cu ta contribui na nos economia. Estudionan
cientifico ta indica cu un turista ta haci huso di datonan meteorologico ora di escohe pa bin un
destinacion manera Aruba. Adicionalmente sin datonan meteorologico, companianan di avion
cu ta trese mayoria di nos turistanan lo no por bin Aruba. Por ehempel prome cu un avion sali
for di un pais pa bin Aruba, e ta haciendo uso caba di pronosticonan di aviacion (TAF) y
observacionnan actual (METAR) pa e aeropuerto di Aruba. Tur e datosnan aki ta sali for di
Meteo Aruba.
Secretario General di nacionan uni Sr.Ban Ki-moon a bisa na honor di dia internacional di
meteorologia cu: resistencia pa clima ta un tema importante cu lo ta sigur presente ora nos
tuma decisionnan importante riba bienestar di mundo pa futuro generacionnan. Riba e dia
internacional di meteorologia mi ta pidi pa tur actornan di sociedad pa paga tino na mi
mensahe. Solamente cu conocemento di clima cu nos tin nos por supera e desafio cu clima lo
trece y crea sociedadnan mas sigur y prospero. Clima extremo y cambionan den patronchinan
di clima tin un impacto creciente riba mundo. Un bon ehempel ta e desaster cu horcan Pam a
causa na Vanuatu. Sin datonan y aviso di meteonan e desaster lo tabata mas grandi. Cambio
climatico ta aumentando e intensidad y frecuencia di e extremonan climatico.
Sr. Ban Ki-moon, a pone enfasis cu informacion mester ta na tempo, confiabel, accesibel y
utilisabel pa tuma decisionnan y accionan necesario.
Minister Otmar Oduber ta uni su mes na e mensahe di Sr. Ban Ki-moon y ta manda un palabra
di pabien na staff y personal di Departamento Meteorologico Aruba, riba e Dia Internacional di
Meteorologia. Minister Oduber lo sigui inverti den e departamento pa asina e por brinda
informacion na standardnan internacional.

http://www.24ora.com/politica-mainmenu-18/93237-minister-oduber-dia-mundial-di-meteorologia-

2015-di-conocemento-climatico-pa-accion-climatico

http://www.awe24.com/20150321/21254/Na_Noord_Cura_Cabay_un_homber_tabata_zwaai_cu_mach
ete_y_ni_cu_tiro_di