Page 6 - digicel june 23,2015

PAGINA 38 DIARIO DIAMARS 23 JUNI 2015

Ganador di auto Hyundai Accent a worde conoci

Eugenia Warner a gana auto como premio di Digicel

ORANJESTAD (AAN): Pa celebra e hecho cu awendia clientenan
di Digicel tin mas opcion pa recarga, a tene un campaña den cual
mas e clientenan recarga na celular prepaid of paga nan cuenta post-
paid na ora, por a participa. Cu esey a rifa un auto Hyundai Accent,
cu a bay pa e ganado Eugenia Warner.

E evento grandi aki a tuma luga diabierna anochi riba Linear Park y
a conta cu presentacion special di Rincon Boys, Buleria, Le Groove
y DJ101. Na final a saca e feliz ganado di e premio principal, e auto
Hyunday Accent 2015. Pa por a gana e auto, e cliente mester tabata
presente. Durante e anochi tambe tabata presente e 10 candidatanan
di Srta Aruba cu a compaña e finalistanan ariba stage.

E evento mes a conta cu un publico masha grandi, cu a haci bon
uzo di e oportunidad pa por a gosa di e miho bandanan di Aruba
den forma gratis. Bar y cushina tabata bon surti mientras cu durante
henter e anochi a parti un cantidad di articulonan di Digicel pa tur
esnan presente.

Digicel ta gradici tur su clientenan cu a participa y tambe cu a
bin presencia e tremendo clausura na Linear Park hunto cu henter
pueblo di Aruba. Keda pendiente paso tin mas campaña grandi na
caminda.