Page 41 - HOSPITAAL

E pensionadonan tambe ta core den auto y ta cumpra cos na supermercado. Ta logico
cu nan tambe tin nan remarcanan y ta pa e motibo ey, lo kier sinta na mesa cu e
ministernan concerni, esta di salubridad publico y finansas, mas pronto posibel pa trece
nan preocupacion padilanti y mira con por yega na otro pa locual ta trata e gastonan cu

ta haya nan mes cun’e.

Pero lamentablemente tin cu bisa cu te ainda no a logra sinta cu ningun di e
ministernan. OPPA ta pendiente pa un tereno tambe pa varios aña cu nan ta tras di dje.

Te ainda no ta logra sinta cu e minister cu ta encarga cu esey. Kico ta pasando, Valdez
ta puntra. Mester tin un motibo pakico no por logra sinta cu e hendenan aki.

No ta compronde cu nan por ta dje druk ey cu nan no por hinca OPPA por ehempel un

mey ora den un sala pa reuni cu nan. Valdez ta spera cu nan lo por wordo yama y haya
un cita cu e ministernan cu a manda carta pa nan.

Ta sinti diferencia den practicamente tur cos. Den cuminda a aumenta di prijs, fruta su

prijs a bira barbaramente halto. Tin un grupo grandi di pensionado cu tambe ta sinti
esey. Si por papia na nomber di e pensionadonan publico, Valdez a splica cu nan tin dos
pensioen.

Pero eyfo tin pensionadonan cu tin un pensionen di SVB y hopi di nan cu no ta haya ni
esey completo. Ta hendenan cu ta den problema tur luna pa wanta nan cabes riba awa.
Tur e hendenan ey tin cu haya un manera. Mester crea un manera pa yuda e
personanan aki, segun Valdez.