Page 6 - HOSPITAAL
P. 6
Diasabra, 26 Mei 2018 AWEMainta 31
Aruba Marriott ta contribui na e
programa di ‘Stimami Sterilisami’
cu un evento special di ‘Dog Walk’
ARUBA Marriott recientemente a organisa un ‘dog walk’
hopi special pa su asociadonan y nan famia pa asina promove
bienestar, salud, tempo cu famia y alaves pa recauda fondo
pa e programa di ‘Stimami Sterilisami’.
Un total di 110 participante y 30 cacho di diferente rasa a
reuni den e parking lot di Aruba Marriott su Grand Ballroom
pa asina disfruta di un caminata cu nan mascota, disfrutando
di nos isla su paisahenan bunita y tambe di e bahada di solo.
Adicionalmente, Aruba Marriott a print t-shirts pa bende
como tambe bandanas y treats pa e mascotanan, di cual tur
e fondonan genera a wordo entrega como donacion na ‘Sti-
mami Sterilisami’. Na final di e caminata, diferente premi-
onan a wordo rifa entre e participantenan y nan mascotanan
como tambe a parti snacks saludabel.
E movimiento di ‘Stimami Sterilisami’ tin como obhetivo pa
reduci e cantidad di cacho y pushanan riba caya door di spon-
sor e gastonan di sterilisacion y castracion y alaves por medio
di concientisacion dentro di e comunidad riba e importancia
di duna e cuido apropia na mascotanan. Tambe doñonan di
cacho y pushinan por registra pa un prijs special pa sterilisa y
castra nan mascotanan por medio di e programa aki.
Aruba Marriott a organisa e ‘dog walk’ special aki como
parti di Marriott International su esfuersonan pa promove
bienestar, salud y felisidad entre su asociadonan como tambe
duna bek na comunidad por medio di e Marriott Take Care
Program, cual ta un iniciativa cu ta sostene Marriott Interna-
tional su cultura di ‘Putting People First’. Esaki ta encera bi-
enestar fisico, emocional, profesional y finaciero. Por medio
di e programa aki, Marriott ta yuda su asociadonan enfoca
riba nan salud y e importancia pa cuida nan mes y cuida nan
comunidad manera cu nan ta cuida nan huespednan.
