Page 8 - Lotto

Den aña 2014 a Lotto pa Deporte a lansa un wega di Raspa pa Gana un auto pa cual ya e prome ganado
ta conoci. Damaris Ridderstap a splica cu e wega di Raspa y Gana cu yama Cars and Cash. E wega ta
keda riba mercado te ora e dos autonan wordo gana y tambe e premionan di un total grandi 520 mil
florin. Awe a entrega e prome auto di e wega di raspa y gana. Esey tabata na sra. Yolanda Tromp, kende
a sa di cumpra un di e ultimo ticketnan na Lucky 77, y asina ey el a gana e Chevrolet Tracks LT 2015
nobo nobo. Ainda abo por bira e ganado di otro auto nobo nobo.

E campaña a caba y awor aki ta bezig ta sigui raspa y gana. E un auto cu falta of e otro premionan cash
falta pa wordo gana ainda. No por bisa precies, pero tur dia tin ganado. Pa loke ta premio di placa, e por
varia di 5 florin te cu premionan mas grandi c uta subi riba 1000. E ganadora ta un fiel hungado di
weganan di Lotto. Na april, el a sa di cumpra un ticket ganado di un di e jackpotnan di Minimega cu a
wordo parti den dos hende. Awor un biaha mas e tin suerte cu el a raspa y gana un auto nobo nobo,
Ridderstap a comenta.

Di otro banda, pa Yolanda Tromp, kende ta e ganado di auto a splica cu for di dia e wega a cuminsa e ta
raspa y awe e la logra gana un auto pa cual e mes ta conta su experencia ora cu el a haya sa cu el a
gana e auto.

Den su propio palabranan Tromp a conta cu e kier a purba su suerte pa un auto, aunke cu e tin un casi
nobo caba. Toch e kier a purba su suerte den loteria, aportando na Lotto pa Deporte. Ora cu el a raspa el
a keda contento, te cu awo cu el a haya su yabi di auto.

E no a pensa cu el a gana e auto. Ora cu el a papia cu e bendedo, esaki a puntr’e si e sa cu el a gana e
auto. El a bisa cu no, mirando cu el a pensa cu riba e ticket a para win a car. Te ora cu el a yega na
oficina di Lotto pa Deporte, el a conforma su mes cu el a gana e auto.

Tromp sa cumpra Lotto varios caminda. Semper el a cumpra hopi ticket. E mes a yega di cumpra e ticket
ganado di Minimega pa su pareha, pero e mes, manera cu e mes ta conta, cu e nunca a gana un premio
grandi.

Por ultimo, Tromp ta conseha comunidad pa sigui cumpra Lotto, pasobra e ta cambia bo bida.