Page 27 - HOSPITAAL

E Arubiano a trata di haya contacto cu director di Salubridad Publico , pero a yega te na su secretaria
unda cu a tuma tur gegevens pero no a ricibi un yamada bek pa asina director di Salubridad Publico
duna di su banda si tur loke tin den e carta cu e trahadonan disgusta a pone den e carta. E Arubiano ta

kere ta importante pa scucha tur banda di medaya y pa es motibo aki mes a busca director di
salubridad publico, pero tambe e minister encarga. Mirando cu ta trata di un departamento cu ta hopi
esencial pa salubridad publico y pueblo di Aruba E Arubiano ta di opinion cu ta importante pa sigui

haci investigacion y na unda a yega na dos ex trahado cu a bay pa motibonan cu nan mes ta splica
den e audio aki bao.

Ex trahado fam T di salubridad Publico ta uni su mes y ta reconoce e mes un modes operands cu su

persona a pasa aden,ta pasando cu diferente trahadonan na departamento di Salubridad Publico
Aruba. Ex trahado ta duna di conoce cu tur cos a cuminsa na momento cu e la keda entrevista dor di
un periodista riba un topico cu e tabata pasando aden personalmente. Na momento cu e publicacion a

sali e la keda yama y avisa cu e no ta un persona di confiansa mas, sinembargo nunca su mes no a
mira e carta debi cu e carta a bay DRH y DRH a manda esaki gobierno cual segun e ex trahado no ta
e procedura normal.

Na momento cu un director tin un keho riba un trahado e pasonan ta cu e director mester skirbi un
carta y e carta mester bay direct pa e minister engarga y tambe e director mester papia e situacion cu
e trahado, sinembargo esaki no a sosode. DRH su presencia ta cuminsa na momento cu si tin medida

disciplinario cu mester wordo tuma si of no. Segun e ex trahado nunca su persona no a wak e carta y
tampoco no a haya un copia di e carta tampoco. Despues di e parti aki e persecucionnan na trabao a
cuminsa y hasta a keda intimida y a para e director mesora.