Page 2 - Awemainta

2 AWEMainta Diahuebs, 03 December 2015

Na COP21 na Paris

Minister Sevinger a
enfatisa cu trahando hunto
por logra mas

REPRESENTANDO Reino Hulandes, Minister Benny

Sevinger a papia den un reunion organisa pa SIDS (Small
Island Developing States) di Nacionnan Uni diamars, den
oranan di mainta den un hotel na Paris durante e cumbre
COP21. Un reunion unda representantenan di SIDS tabata
presente – entre nan Minister Camelia-Romer y delegacion
di Corsou. Eynan a tene discursonan riba e menasanan
cu SIDS ta confrontando y con anda cu nan den e mihor
forma posibel.

COP21 t’e plataforma internacional y mas importante unda
cambio di clima y su aspectonan negativo ta wordo trata y
con pone un paro n’e forma acelera cu e ta bayendo.
Despues di dos siman di COP21, e paisnan participante ta
firma un acuerdo cu ta defini e agenda p’e proximo añanan.
Pa SIDS e reunion aki ta esencial, ya cu nan ta esnan cu mas
ta sufri di e menasa di cambio di clima, sin ta su causante.

Minister Sevinger a papia di Aruba, di su posicion den
Reino y mundo y evidentemente su vision 2020. Tambe di
e retonan cu Aruba ta haya su mes confronta cu nan.
El a splica di e Center of Exellence cu UNDP ta establece na
Aruba pa comparti conocimento cu otro SIDS.
Na final di su discurso Sevinger a bisa cu ta necesario cu
Aruba y tur otro SIDS mester traha hunto pa enfrenta e
retonan climatico.

“Nos di Aruba y Reino Hulandes ta kere cu solamente
trahando hunto, por trece cambionan. Literalmente nos
por mira cu e islanan chikito por haci cambio den nan pais
y tambe den paisnan grandi.”
Despues Sevinger a desea tur presente, den nomber di
Aruba y Reino Hulandes un conferencia fructifero y cu
tur hende por sigui traha hunto pa un mihor bienestar di
e comunidadnan.