Page 40 - Djaweps 17 mei 2018.pdf

40 Djaweps 17 Mei 2018
Kontinuashon di pagina 33
Fiesta patronal Parokia

Spiritu Santu.
Parokia na Tera Kòrá ta
karga e nòmber di Spiritu
Santu, i p’esei riba e dia aki
nos tur ta selebrá fiesta di
Iglesia i den nos parokia
nos ta selebrá esaki den un
forma espesial.
Lo ta un selebrashon
den oranan di atardi pa
gradisí Dios pa nos mes,
nos parokia, nos Obispu
Luis Secco, nos obispado
ku e aña aki ta kumpli
60 aña, tur pastor di nos
obispado i mi ta konfia riba
boso orashon pa mi mes.
Alabes nos ke kompartí
un ratu kontentu ku otro
komo rumannan den Kristu
i partikularmente komo
miembronan di e komunidat
parokial di Spiritu Santu.
Riba e dia aki lo tin un
misa solèm pa 6’or di atardi
i e selebrante prinsipal ta
monseigneur Luis Secco
i tambe nos lo tin komo
ko-selebrante pader Willis
Azuajes for di Venezuela.
Pastor Curtis ta partisipá
ku e dia ei lo no tin e misa
kustumbrá di 9or di mainta.
Pues tur ta keda invitá pa
partisipá na e misa di nos
fiesta patronal pa 6’or di
atardi.
Despues di misa lo tin un
programa kòrtiku i alegre ku
parokia ta organisá.
Ademas pastor ta invitá
pa e nobena na Spiritu
Santu ku ta kuminsá
djabièrnè 11 di mei i ta
terminá ku un triduo dianan
17, 18 i 19 di mei. Kada un
dia di e nobena lo trata un
tema speshal relashoná ku
e shete donnan di Spiritu
Santu.
E periodo di nobena
ta kuminsá tur dia ku un
rosario pa mitar di shete
anochi siguí ku e nobena
bou di un santu sakrifisio
di misa pa 7’or di anochi.
E último dos dianan di
triduo lo atendé algun di e
frutanan di Spiritu Santu
pa di e forma aki nos ta
bon prepará pa selebrá
Pentekòste i e fiesta patronal
di Tera Kòrá.
Pues pone den boso
agènda i laga nos tur bini
huntu na e nobena di Spiritu
Santu e dianan 11 pa 19 di
mei i djadumingu 20 di mei
atardi pa 6’or bo ta keda
invitá pa selebrá ku Tera
Kòrá su fiesta patronal.