Page 4 - FUNDASHON LOTTO PA DEPORTE

32 AWEMainta Diabierna, 4 Mei 2018

Deporte

Liga Especial Heineken di Aruba Softball Bond a continua

Spuiters ta pone ordo den cas y ta knockout Macuarima Indians 10 pa 0

ARUBA Softball Bond a continua cu Liga
Especial Heineken unda Spuiters a enfrenta
Macuarima Indians.
Pa Spuiters a inicia e lansando internacional
Andres Cantillo Gonzalez, mientras cu pa
Macuarima Carlos Croes a mira accion riba
monticulo despues di basta tempo.
Andres sinembargo tabatin control di henter e
wega y ta resulta pitcher ganado lansando 49
lansamento di cual 23 tabata bola y 26 strikes,
permitiendo 0 hit, 2 base por bola, 4 ponche
crema y 0 careda.

Henk Arnold ta drenta ultimo inning y ta releva
Andres permitiendo 2 hit pero ya haya wega
salba riba su nomber.
Carlos Croes ta bira e pitcher perdedo tirando
31 bola y 57 strike pa un total di 88 lansamento
permitiendo 10 hit, 6 careda limpi, 2 ponche,
y 1 base por bola. Spuiters 10 careda, 10 hit, 2
error. Macuarima 0 careda, 2 hit, 5 error.

Mihor bateadornan pa Spuiters a resulta Kenny
Hart 3-3, Jeandrick Croes 3-2 cu 3 RBI, Gilward
Wester y Ludwig Dabian 2-1, Sandrick Wester
di 3-2. Pa Macuarima Carlos Croes a bay di 1-1
y Ray Bernabela di 2-1. Campeonato di Liga
Especial den pleno accion y lo continua dialuna
7 di mei riba veldnan na Pos Chiquito.