Page 13 - Minister Arthur Dowers , April 2,2015

Benny Sevinger: Nos ta spera pronto tin e prome
resultadonan di e Grupo di Trabou pa Cooperacion Publico
den Tereno di Siguridad y Inmigracion

W ednesday, 01 April 2015 19:08
Comparti

Cu e proposito di sinta pensa y traha hunto pa yega na un miho structura di maneho di stranheria
, Gabinete Mike Eman II den persona di Prome Minister Mike Eman y Minister Benny Sevinger a
laga PriceWaterhouseCoopers organisa y coordina un asina yama Mesa Rondo for di cual mester sali
un ‘Ketensamenwerking’. Minister Sevinger ta contento cu a yega na e punto cu literalmente a sinta na
mesa pa cuminsa papia y ta spera cu pronto e lo haya e prome conclusionnan pa bay na Conseho di
Minister y cana e caminda pa esakinan wordo aplica den e maneho publico. E grupo di trabou yama
Cooperacion Publico den Tereno di Siguridad y Inmigracion ta consisti di tur e departamentonan
involucra. Trata aki di Ministerionan di Asuntonan General, Integracion, Husticia, Cuerpo
Policial Aruba, Departamento di Relacionnan Exterior, Ministerio Publico, Departamento di Integracion
y Maneho di Admision di Stranhero, Veiligheidsdienst Aruba, Instituto di Alarma y Siguridad Aruba,
entre otro. Diaranson merdia, pa prome biaha tur e partidonan a reuni na sede di
PriceWaterhouseCoopers na Oranjestad. Pa e motibo aki tanto Prome Minister Mike Eman como
Minister Sevinger a hiba palabra pa asina duna inicio oficial. Minister Sevinger a splica cu tur esaki ta
forma parti di un acuerdo cu a keda cera desde 2006 cu Hulanda. Lamentablemente e dia di vencemento
di e acuerdo a yega na 2010 sin cu nada a wordo haci y pesey Gabinete Mike Eman a pidi pa haci un
renobacion di e acuerdo. E mandatario a menciona cu Aruba a scoge pa desaroya su industria turistico y
esey ta keda vigente te dia di awe. Pero, teniendo na cuento e aspecto di vergrijzing cu nos isla ta pasa
aden ademas di e cantidad grandi di hobennan cu ta busca estudio di nivel halto na exterior, nos pais no
tin e forsa laboral necesario pa cumpli cu e demanda di e sector horeca. Ey ta caminda cu for di 1985 ta
ricibiendo un fluho di trahadonan stranhero cu ademas di traha, a forma un bida riba nos isla y ta busca
reencuentro cu su famia, esta casa y yiunan. Mirando e situacion aki, ta sumamente importante pa Aruba
tin un structura di maneho adecua cu ta cumpli cu derecho, pero tambe ta salvaguardia nos pais. Esey ta
e tarea cu e grupo di trabou aki tin y cual ta spera cu pronto lo bin dilanti cu resultadonan cu ta mehora e
condicionnan pa tur partido.

http://www.24ora.com/politica-mainmenu-18/93688-benny-sevinger-nos-ta-spera-pronto-tin-e-prome-
resultadonan-di-e-grupo-di-trabou-pa-cooperacion-publico-den-tereno-di-siguridad-y-inmigracion