Page 18 - MIN VOS JULY 20

AWEMainta Dialuna, 20 Juli 2015 3

ROWALD M. WEVER A
BIRA DI 7 MORTO DEN

TRAFICO NA ARUBA

DIADOMINGO madruga a drenta

informe di un accidente cu hende
herida na Piedra Plat na altura di ex-
Baby Store.
Mesora a dirigi Polis como ambulance
n’e sitio. Na yegada di e patruya policial
a bin compronde cu ta trata di un auto a
dal un peaton herid’e seriamente.
E peaton aki a sali for di un bar y
amigonan a compañe te na su pick-up,
pero despues di un rato el a cruza tur
zonza bay cruza e caminda net ora auto
tabata bin.
E chofer di e auto no por a haci nada
mas ya cu el a haye cu e peaton su
dilanti y a dal’e.

Na yegada di e ambulance, e
paramediconan a nota cu e no tabata
duna señal di bida mas y pa 4’or y 5 di
madruga dr. Mungra a constata morto.
Esaki ta di 7 victima di accidente fatal
p’e aña aki.
Despues a bin resulta cu e victima t’e
conocido Rowald Minguel Wever, naci
na Aruba 21 di april 1960 (55 aña).
Rowald Wever ta conoci, pa ta un di e
doñonan di Zepp Wever Funeral Home.
Na famianan di e fayecido ta bay nos
mas sincero palabranan di condolencia.