Page 51 - MIN VOS - APRIL 7 , 2015
P. 51
ta pa logra haci bon papel na Toronto, unda e lo bringa den e categoria di 49kg. Pa cu su preparacion e lo
biaha pa Spaña unda e lo entrena y sigui cu su preparacion di tres luna hunto cu algun seleccionado di e
pais menciona. Mas cu claro Monica tin gana di mira Aruba su bandera riba e podium na Toronto y ta
algo cu e lo bay purba logra. Pa loke ta su conseho pa tur otro hobennan na Aruba cu tambe ta aspira pa
yega un dia na un competencia grandi manera e Panamericano, e la contesta; “Dream big”, nunca no laga
niun hende bisabo cu no por, tur cos ta posibel den bida, pero ta abo tin cu traha duro pa realisa esaki.
Nada no ta bini pornada”. Te asina leu nos entrevista cu e atleta di taekwondo Monica Pimentel cu lo ta
un di Aruba su representantenan durante di e Weganan Panamericano 2015 na Toronto, Canada.
http://www.24ora.com/deporte-mainmenu-7/93784-conoce-e-atleta-monica-pimentel-den-e-deporte-
di-taekwondo
Delegacion di atletismo a sali pa e competencia di
CARIFTA 2015 na St. Kitts & Nevis
· Apr 4th, 2015
· Deporte
Un delegacion den e deporte di Atletismo a sali pa e isla Caribense di St. Kitts & Nevis unda e
campeonato di Carifta Games 2015 lo ta tumando luga e dianan 3 – 6 di april. Federacion di Atletismo
Aruba, a ricibi e sosten financiero di Fundacion Lotto pa Deporte pa realisa e biahe pa Carifta. E cuater
atletanan cu a haci e biahe tabata Julianne Dorothal, Willy Vrolijk, Lixandra Geerman y Toni-Lisa Brown,
mientras como coach a biaha Augustien Dorothal y Wiwi Pina. Ya pa varios aña e delegacion di atletismo
ta competi den e campeonato di CARIFTA cual ta esun mas grandi den henter Caribe. Aki nos atletanan
ta midi forsa contra di e mihonan den Caribe pa loke ta e categoria hubenil. E competencia sigur ta uno
fuerte mirando cu e deporte di atletismo a crece den forma impresionante e ultimo añanan. E
resultadonan obteni pa e mayoria islanan di Caribe den entre otro Weganan Panamericano y Weganan
Olimpico ta papia pa nan mes, sigur paisnan manera Jamaica, Grenada, Trinidad & Tobago y Barbados.
Den e ultimo añanan nos atletanan di Aruba ta logrando resultadonan satisfactorio den e competencia di
