Page 58 - MIN VOS - APRIL 7 , 2015

Campeonato di ASB ta inicia 22 di Mei

 Apr 7th, 2015
 Deporte

Aruba Softball Bond den full swing preparando pa su proximo Campeonato. Manera a anuncia
desde inicio di Januari 2015 cu fecha pa Campeonato di ASB lo ta 22 di Mei. Riba e dia aki lo
bay tin e gran apertura cu un desfile di ekiponan miembro unda na final lo tira lot pa e prome
wega. ASB a tuma nota cu tin diferente ekiponan cu ya caba ta practicando hopi fuerte. Despues
di a tira algun buelta riba diferente tereno por a nota den Liga femenino tanto Jaguars Nesbitt y
Aruba Bank Lady Tigers practicando y preparando hopi fuerte. Team nan masculino manera
Pizza Hut Monster y tambe Royal Power tambe ta train fuerte preparando pa dicho campeonato.
Sigur lo tin mucho mas ekiponan miembro riba training y ASB kier motiva esnan cu kizas ainda
no ta train pa activa nan equipo y prepara fuerte pa asina nos por tin un gran campeonato. Tur
ekiponan miembro cuminza busca un Madrina pa ta presente na tereno durante desfile unda ASB
lo saca tambe un madrina di aña. Asina lo bay tin diferente premionan e dia aki y mas cu claro lo
reconoce dos persona na kende ASB lo dedica Campeonato 2015. Pues fanaticada y ekiponan
cuminza prepara paso Campeonato di softball fastpitch ta na caminda pa inicia 22 di Mei
proximo. Softball fastpitch a la carga.
http://masnoticia.com/campeonato-di-asb-ta-inicia-22-di-mei/