Page 50 - ATA

E mandatario a señala cu e ta na haltura cu tin cierto areanan na Colombia, cu tin casi
mesun medio ambiente cu Aruba y sigur nos akinan por siña di nan manera pa cultiva
aya.

Colombia tin mas di 20 miyon di kilometer cuadra disponible pa cuminza desaroya
productonan pa exporta. Esaki ta un di nan plannan, y nan tin terenonan suficiente.

“Nos a pidi enberdad si nos por bin den cooperacion cu nan, y por bisa cu Colombia y

Hulanda ta trahando hopi cu otro. Studiantenan di Wageningen unda mi a bishita
ultimo, ta na Colombia. Empresarionan di Hulanda, ta na Colombia, y nan ta bezig
trahando cu otro. Asina ey por wak berdad cu nan ta willing pa yuda nos den e area aki
y pa wak ki tipo di producto nos por produci akinan. Nos a combersa riba dje y esey ta

e siguiente paso unda cu no solamente ta trece carni for di Colombia, pero desaroya e
area ey tambe”, e dignatario a expresa.

Minister Romero a agrega cu, por cierto, siman pasa Diabierna, el a reuni cu e grupo di

agricultornan local, unda cu nan a trece nan ideanan y preocupacionnan, y e siman aki
nan ta sigui cu e encuentronan aki, pa regla e asunto di awa cu nan ta anhela pa un
prijs mas abao.

Finalmente e dignatario a expresa cu e cooperacion cu Colombia, ta na su lugar.