Page 28 - AHATA

Prome Minister Evelyn Croes a ser avisa y ta djis bisanan cu lo manda hende pa yuda. E

minister di turismo y di husticia ta bon na altura di esaki tambe pasobra a avisanan.

Awor den e temporada mas druk di aña ta mira con kehonan a cuminsa drenta.

Trahadornan tin lunanan largo ta avisa superiornan. Minister Andin Bikker ta haci

manera nada ta sosode. Awor cu kehonan a cuminsa bay rond riba rednan social kizas

nan ta core haci damage control. E ta hopi tristo pa mira con cada biaha mandatarionan ta

hopi bon na altura di loke ta pasa y ta keda hinca cabes bou tera te ora baca hoga. Awe

baca a hoga y cos ta pegando. Trahadornan na Migracion Aruba mester draai e dienst

trahando 16 ora pa dia. Tur dia mester draai overtime obliga.

Ademas tin coleganan cu ta AO y otronan cu mester tuma nan vakantie. Tabata tin

otronan di Cuerpo Policial trahando y e flamente hefe na Airport a coy e trahadornan

mandanan Vondellaan na e oficina cu tin eynan. Net na e yegada di miles di turista pa sea

pasco y aña nobo, ta haya un situacion mahos cu e bishitante mester pasa aden na nan

yegada na Aruba. E prome encuentro cu nos hendenan ta pasa un experiencia

desagradable. Mientrastanto mandatarionan ta sea keiro afo of ta gosa dushi na nan cas y

trahadornan di Migracion mester scucha tur tipo di zundramento pasobra no tin suficiente

hende pa traha y e situacion ta bira un caos. Mandatarionan di nos pais mester bira mas
serio cu nan maneho prome cu e situacion tranka.

https://24ora.com/chaos-na-airport-migracion-aruba-simannan-largo-ta-draai-cu-poco-personal-y-
gobernantenan-sa/