Page 7 - Patrick Paskel

Pagina 6 Dialuna 17 Augustus 2015

Remetido Polis Oranjestad na ex-DIMAS: 527-3140
527- 3191
Esaki ta un abuso di
marca mayor!

Comision Salba Aruba, a tuma nota di lo siguiente cu a
sali publica den e matutino Solo di Pueblo.
Minister Mike de Meza den luna di Juli 2015, a firma
dos Ministeriele Beschikkingen y a otorga esakinan,
na e compania PAXI Public Affairs Communication and
Monitoring N.V., pertenece na sr. Patrick Paskel, un
super bon amigo di e Gobierno aki. E dos Ministeriele
Beschikkingen aki, ta duna sr Paskel e derecho di cobra
casi 28.000 bubu pa luna.
Esaki si ta un abuso. E placa aki Mike Eman por a inverti’e
den airco pa nos schoolnan. Pueblo, esaki ta e pakico
Mike Eman a “gun” e compania PAXI e dos contractnan
aki. S. Paskel tin e tarea, ariba instruccion di Gobierno, pa
mercadea y propaganda e green affaire di Mike Eman y
tambe pa spiona e radio emisoranan no comprometi, tur
hende y gruponan di opresion. Nos di Comision Salba
Aruba, den nomber di e Pueblo, ta condena, rechaza y
desaproba esaki CATEGORICAMENTE.
Comision Salba Aruba, tambe ta haci un yamada
dramatico na su Excelencia Gobernador, sr. Freddis
Refunjol, pa di inmediato haci todo por todo pa hala e
dos maldito Ministeriele Beschikkingen aki, aden.
Tambe Comision Salba Aruba, kier haci un apelacion
fuertisimo, na Prof. Dr. A. Bakker di C.F.T., pa di inmediato
para Mike Eman y obligue pa tuma e medidanan
interno corespondiente. Tanto nos Mahestad Rey
Willem Alexander, Politiek Den Haag den su totalidad,
Su Santidad Papa Francis, Obispo Luis Secco, nos
Gobernador, V.N.O. y awor C.F.T., no tin oido pa
Comision Salba Aruba. Pueblo, Comision Salba Aruba
a encamina tur e camindanan legal aki caba, pero
sin exito. Ta parce cu tur e hende/instancianan ariba
menciona, ta bao dominio total di e maldad. E unico
caminda cu a resta Comision Salba Aruba ta di dirigi nos
mes na nos Creador pa yudanza. Pesey mes, Comision
Salba Aruba, ta pidi e pueblo pa nos ban reza y pidi nos
Creador yudanza. Den prome instante Comision Salba
Aruba, no ta admirador di violencia PERO nos grado di
tolerancia tin un limite.

Den nomber di Comision Salba Aruba: Lucio E.
Thijzen, Chamaco van der Linde, Jose Giron y Gene
Nahar.

Jeugd- en Zedenpolitie na ex-DIMAS:

Slachofferhulp y Polis di Bario na ex- DIMAS

Polis di Trafico na Warda di Balashi: 585-2500

Oficina di Recherche na Frankrijkstraat: 527 -3250