Page 38 - Djabierne 20 aprel 2018.pdf

38 Djabièrnè 20 Aprel 2018
Si apòstel Balentina no paga promé
ku mei e ta haña un abogado prodeo

WILLEMSTAD.- E
kaso di apelashon yamá
“Follewers” ku mester a
tuma lugá ayera i awe di
apòstel Orlando Balentina
(52), a keda posponé pa
inkumplimentu di pago
na abogadonan, manera
EXTRA a antisipá.

Balentina tin abogado
mr Blonk i mr Harlequin
for di Ulanda.
Abogado mr Blonk
ayera so tabata presente
huntu ku e akusado.
El a splika k u
lamentablemente nan
no por a defendé e
akusado ayera ni awe,
pa motibu ku e pago ku a
keda palabrá, no a keda
kompletá promé ku e
fechanan di tratamentu.
Segun abogado Blonk,
e gastunan di abogado
mr Harlequin tambe
mester wòrdu atendé i
esaki tampoko no a keda
kumplí.
E abogado a splika ku
normalmente su bufete
ta adelantá e gastunan
di pasashi, estadia i otro
kosnan pa e abogado por
bin fo’i Ulanda, pero e
biaha aki esaki si no por
tabata posibel.

Balentina a duna di
konosé ku e motibu dikon
nan no a yega na e plaka
ainda, no ta importante.
El a splika, ku nan a hasi
un balotashon robes ku a
pone ku nan no a alkansá
pa paga promé ku e fecha
di e tratamentunan.
Segun Balentina pa
kuminsamentu di mei
sigur nan lo tin e pago
kompletu pa kumpli ku e
abogadonan.
E presidente di Hof ku
ta mr Hubben, a bisa ku
e ta lamentá esaki, pa
motibu ku nan a prepará
tur kos pa dos dia di
tratamentu.
Segun hues, Hof su
agènda ta hopi drùk i
awor mester buska un
fecha kompletamente di
nobo pa trata e kaso.
Abogado general mr
Angela ku tin ku hiba e
akusashon pa Ministerio
Públiko, a duna di konosé
ku e ta duna e akusado te
ku mitar siman di mei pa
atendé su kosnan i si esaki
Sigui lesa pagina 41