Page 46 - Djabierne 20 aprel 2018.pdf

46 Djabièrnè 20 Aprel 2018
Studiantenan di Albert Schweitzer eksponiendo nan talento
WILLEMSTAD.- Tin un Albert Schweitzer Havo/
grupo di studiantenan di VWO ku ta kontentu e
dianan aki, por sierto
for di ayera despues ku
a hasi apertura ofisial di
un eksposishon di nan
obranan. E eksposishon
a habri ayera nochi den
edifisio Esmeralda di
Instituto Buena Bista
riba terenonan di Klínika
Capriles.
Direktor di e skol,
sr. Bert Toebes, tabatin
palabranan di elogio
pa loke el a mira na
produktonan final di
e studiantenan, pero
tambe pa e dosente,
Yùfrou Saskia
Monhemius,
ku a yuda saka
lo máksimo na
talento for di
su muchanan,
kendenan por
sierto ta den
e fase di bai
eksámen final
próksimamente.
E
eksposishon aki
lo ta habrí te ku
dia 27 di aprel,
miéntras ku e
studiantenan
tras di e obranan
ta: Ivana Alberto,
Paola Diaz
Briceño, Chiara
Enters, Claresse
Lourens, Tessa
Nicacia, Maria
Ochoa Esser,
Paola Ortega
Gutierrez,
Faridah Pieter,
Tabitha Thijm
i Neeraja
Zanolino.
Di parti di
EXTRA nos ta
kere ku ta bale
la pena bishitá
e eksposishon
di obranan
aki, ya ku ta
basta oranan
di trabou,
kreatividat i
dedikashon tin
tras di kada unu,
pa simpel ku e
por parse.