Page 41 - Extra

Djaweps 17 Mart 2016 41

....Rosaria: ban wak pa futuro...

KONTRAKT RIBA MESA ENTRE DI CPS
I CPA TA BRINDA OPORTUNIDAT
WILLEMSTAD.- Partido negoshá te ainda entre di a saka. Esaki pasombra
PAIS ta di akuerdo ku CPA i CPS no ta perfekto, ta kaba ku monopolio,
e lokual tin riba mesa pero e ta e mihó ku por ta kaba eksklusividat,
ta duna garantia na
trahadónan di CPS i ta
brinda oportunidat pa
desaroyá tur e otro hafnan
ku tin na Kòrsou.
Alex Rosaria ku na

nòmber di Partido PAIS
a hiba palabra a bisa ku
mester wak den futuro,
stòp di keda pegá den
pasado pasombra mas
keda rèk kakiña, mas tur
otro hende den mundu
ta pasa bai. E ta kere
ku Konseho di Minister
mas lihé posibel mester
tuma desishon i terminá
e kontrato; CPA mester
agresivamente buska i
atraé negoshi portuario
nobo pa Kòrsou i Staten
mester asumí su ròl di
kontroladó.

Rosaria no ta
komprondé kon asina
tantu Parlamentario ta
kere ku nan ròl den esaki
ta di nan sinta riba e stul
di CPA i negoshá. “Mi ke
mira akshon rápido di
Gobièrnu pa asina traha
duru pa hasi mihó uso di
e potensial ku hafnan tin
pa desaroyo ekonómiko
i kreashon di kupo di
trabou,” Rosaria a bisa
den Staten.

INTERVENSHON
POLISIAL PA
MALTRATO
RELASHONAL

WILLEMSTAD.- Ayera
polis mester a intervení
den un kaso di violensia
relashonal. Sentral di Polis a
risibí informashon di e kaso
i inmediatamente a dirigí
un unidat polisial na un kas
den Kaya Seru Mahoc.

Na yegada di polis nan a
topa ku e dama víktima ku
a deklará, ku un ratu promé
e tabata tin diskushon
fuerte ku su partner i esaki
a maltrat’é di tal forma ku
dado momento e mester
a bai buska yudansa
serka bisiña. Personal di
Ambulans ku tabata na
e sitio a duna e víktima
tratamentu.

Na e sitio polis a detené
e hòmber sospechoso, E.J.G.
nasé na Kòrsou, di 55 aña
di edat i a present’é dilanti
di un fiskal ouksiliar ku a
ordená su enkarselamentu
pa mas investigashon.