Page 23 - MIN.TTC 6 FEB 2016

16 AWEMainta Diasabra, 06 Februari 2016

Mi tambe ta
reportero di
AWEMainta

MI TA kier pone AWEMainta na altura via di su pagina:

“Mi tambe ta reportero di AWEMainta” pa denuncia un
hecho cu autoridadnan no kier haci nada contra.
Algo cu ta sosodiendo na Superfood y Certified Supermarket.
Manera por sa e Chinees a wordo gestopt di pasa carchi pa
Venezolanonan cu ta bin Aruba.
Pero loke mi no ta compronde ta dicon ta permiti
Supermercado grandi si sigi haci esaki.

Na Superfood tin un meneer Alexander Reeberg cu ta haci
esaki e tin un oficina ariba den Superfood caminda e ta pasa
e carchi p’e Venezolanonan. Nan ta bay Superfood warda
pafo di entrada anto dos di nan ta bay paden p’asina hende
no ripara kico ta pasando.

Nos a yama Centrale Bank, Departemento di Impuesto
y nan ta bisa cu no por haci nada. Ta ki clase pais nos ta
bibando. Kiermen tin free for all pa hende haci loke nan
kier aki?
Riba dje e meneer aki ta duna Venezolano ilegal traboa
pa bin Aruba busca cliente pe den caya grandi y banda di
hotelnan pa hiba nan Superfood pa pasa credit card pa cada
hende. Nan hiba nan ta haya 1 dolar pa hende.

E tin basta grupo ta trahando pe caba den y tin mas ta
biniendo Aruba. Kende ta controla esaki? Aruba ta wordo
promovi afo como un pais di pasa tarjeta, nos a yama Dimas
y Guardacosta y nan tambe ta bisa no por haci nada.
Tambe e persona aki ta bisa Venezolano trece tabaco y
sigaria pe di Venezuela tambe bebida alcoholico pa bende
cu Chinees na bon prijs. Esaki ta controla pa ley na Aruba,
pero no tin un instancia ta controla e cosnan aki?

Bo mes por wak riba su Facebook page di Aruba Villas con
e ta promove esaki.
E hendenan aki ta gana placa facil sin paga belasting, plus
ta bisa Venezolano bin traha aki asina daña nos pais. E
cosnan no por y mester wordo para paso ta kico ta bay
para di nos pais.
Mi tambe ta Reportero di AWEMainta y mi ta denuncia e
practica aki.