Page 21 - KPA Feb 23, 2015

Minister Mike Eman: Introduccion di Programa di
Educacion pa Scol despues di Merdia ta Prioridad Grandi pa
2015

Sunday, 22 February 2015 20:57
Comparti

“Den klasnan tur rond di Aruba, ora studiantenan tende e bel bati na final di e dia di scol, pa hopi esaki ta
e señal di comienso di un atardi sin supervision, sin actividadnan productivo y sin ningun guia y
direccion.
Un programa di educacion despues di scol ta yena e rol di balor inigualabel den brinda servicio esencial –
manera un ambiente sigur y cu supervision, actividadnan academicamente responsabel, snacks y
cuminda saludabel, guianan atento y cooperativo – pa muchanan y nan famia cu ta den necesidad di
sosten”, asina Prome Minister Mike Eman a bisa durante su participacion den un actividad boluntario na
un scol na Paradera e weekend aki.
E necesidad di e programanan di educacion pa despues di scol ta specialmente vital den comunidadnan
na unda tin mas necesidad, unda hende no tin cas pa biba aden y tin escasez di cuminda y ta confronta
desigualdad den educacion y no tin acceso na actividadnan extracuricular. Nivela e oportunidadnan pa
tur mucha tin oportunidadnan igual den desaroyo y realisacion di nan metanan ta e obehetivo
importante di e programa di educacion despues di scol cu Prome Minister Eman y Minister di Enseñansa
ta trahando riba dje.
Prome Minister Mike Eman a enfatisa cu inverti den e programa di educacion despues di scol aki ta un
inversion solido cu ta cumpli cu e demanda y cu ta brinda servicionan necesario pa nos comunidad. E ta
sigura cu muchanan cu tin acceso na actividadnan academicamente responsabel, ta yuda cera e distancia
di oportunidad entre famianan cu un entrada halto y esnan di entrada abou. Mester gara e distancia di
realisacion y cambia esaki den realisacion door di hisa e atendencia, haci huiswerk y yega na un
compromiso cu scol y finalmente hisa e cifranan di graduacion y testnan, brinda e muchanan snacks y
cuminda saludabel, brinda mayornan cu ta traha trankilidad ya cu nan sa cu nan yiu ta den un area sigur
unda tin supervision durante oranan despues di scol.
Eman a haci e programa di educacion despues di scol aki un parti esencial di su metanan pa e añanan cu
ta bin. El a subraya cu desde cu su gobierno a bin ta traha riba programanan di mehoracion di nos isla, e
programa aki lo crea un sinergia pa un miho calidad di bida, e prosperidad sostenibel comparti ta loke
nos kier pa tur ciudadano. “Hopi programa di educacion despues di scol lo brinda e asistencia cu nos tin
asina mester di dje den forma di un ambiente sigur cu supervision, snacks y cuminda saludabel y
educacion bon y responsabel”.
Prome Minister Eman ta haci referencia na ”The Campaign for Educational Equity” na Merca. Pa por
haci progreso berdadero pa tin educacion apropia nos por y mester haci esfuerso pa brinda e hubentud
cu ta den desbentaha pa tin acceso na programanan di calidad halto di educacion. “Muchanan, sin
importa e nivel di entrada di nan mayornan, tin e mesun potencial pa por tin miho logronan ora e
oportunidadnan ta wordo brinda na nan. Asina ta, nos meta mester ta pa sostene e desaroyo di
programanan di educacion di calidad pa despues di scol.”, asina Prome Minister Eman a expresa
mientras e tabata haciendo trabou boluntario pa comunidad den cura di scol na Paradera e weekend aki.