Page 4 - MIN ON, JUNE 19 2015

AWEMainta Diabierna, 19 Juni 2015 29

TERRIFIC
KIDS

di St. Dominicus
College di
schooljaar

2014-2015 a
wordo reconoci

DIARAZON ultimo St. Dominicus College a

reconoce tur e studiantenan cu durante schooljaar
2014-2015 a logra di ta un Terrific Kid.
Terrific Kids ta un programa cu Kiwanis International
ta promove na scolnan basico unda un Kiwanis Club
local ta existi.
Kiwanis Club of Palm Beach a dicidi di implementa
e programa hunto cu y guia dor di e docentenan di
St. Dominicus College.

E programa tin como meta pa reconoce e studiantenan
cu ta mantene nan mes na cada un di e leternan di
e palabra Terrific cu ta ta consisti di Thoughtful,
Enthusiastic, Respectful, Responsible, Inclusive,
Friendly, Inquisitive and Capable.
Mas cu claro cu e programa ta wordo splica na
Papiamento p’asina e muchanan por comprende
nan meta.

Pa un studiante wordo reconoci como un Terrific
Kids durante un schooljaar, e mester logra 6 di e
8 leternan. E studiantenan reconoci tabata hopi
contento cu nan logro.
For di schooljaar 2013-2014, e programa aki ta existi
na St. Dominicus College y desde e inicio e tabata un
exito rotundo.
Den schooljaar actual, esey no ta un excepcion. E
juffrouw y meneernan ta wak un diferencia den e
studiantenan cu ta logra forma nan caracter y alabez
haci nan abilidad di liderazgo mas fuerte.

Pa mas information di Terrific Kids, bishita http://
www.kiwanispalmbeach.com/terrific-kids.html.
Kiwanis Club di Palm Beach ta orguyoso di e
programa y tambe di St. Dominicus College cu a
tuma e proyecto cu man habri, lidera dor di e hoofd
Caroline Cardoze.