Page 47 - Djabierne 23 februari 2018.pdf
P. 47
Djabièrnè 23 Febrüari 2018 47
La Cruz Constractors a duna
kurso dirigí pa Plantmechanic
WILLEMSTAD.- Ku e informashon di un falta di hóbennan
studiá komo Plantmechanic, La Cruz Constractors a
duna un kurso na hóbennan di VSBO, VGO i MTS. E kurso
ta konsistí di un parti teorétiko i un parti práktiko. E
kandidato ta pasa un tèst teorétiko di refineria i na final
di e sekshon teorétiko, si e pasa esaki ku éksito, e ta pasa
esun práktiko di refineria. Ora e slag pa tur dos e ta haña
un sertifikado di refineria. E kandidatonan di e promé dos
kursonan ku éksito ya a risibí nan sertifikado for di man
di minister di labor Hensley Koeiman. Riba e fotonan por
mira parti di e seremonia.
Hopi interes pa e findishi
di Pintornan Alegre
WILLEMSTAD. - Hopi interes pa e findishi di Pintornan
Alegre. Manera ta konosí Pintornan Alegre ta personanan
ku a keda diagnostiká ku kanser. E klientenan aki ta
haña kurso di pintamentu pa nan pasa nan dia trankil.
E loke ku e pinturanan aki generá lo keda entregá na
Prinses Wilhelmina Fonds. E maestro di Findishi tabata
dr. Jacues Capello ku tabata konsehero den pasado pa e
fundashon ya menshoná.
