Page 48 - MEZA

Mike de Meza: Juni tur cos mester ta cla haci apertura di Joe
Laveist Sport Park

Thursday, 21 May 2015 18:52
Comparti

Diahuebs mainta Minister ing. Mike de Meza tabata presente na Joe Laveist Sport Park pa supervisa e
trabou nan andando pa modernisa e ball park.
“Un scoring board super moderno a yega Aruba, cu ta traha wireless y cu tin tur features necesario pa
score weganan di baseball y futbol. E ta e tipo di scoring board cu ta wordo uza den liganan menor y
grandi”.

“Actualmente nan ta bezig cu e structura di e fundering pa e support di e scoring board. Esaki ta bai ta cla
dentro di un siman pa despues nan instala e scoring board y test tur e featuresnan pa tur cos traha
adecuadamente”. Alaves nan ta acomodando e tera cora den e in-field track y incorporando un plan di
mantencion. Pa final di juni tur cos mester ta cla pa nos por haci un apertura y pa Joe Laveist Sport Park
wordo uza pa diferente actividad oficialmente” segun e mandatario. E lo bira un joya di localidad cu pa
hopi anja tabata e centro pa hopi hende haci deporte pero a bai atras pa falta di mantencion. Despues di
un inversion grandi den e lugar por ta sigur cu e ta bira un di e Sport Parknan mas bunita di Aruba. Ya
caba tin hopi interes con lo bai reparti e tempo pa asina tur esnan cu kier haci deporte principalmente
nos hobennan tin e espacio necesario. A warda basta pero e resultado ta bisto y cualkier hende cu tabata
conoce Lago Sport Park y despues Joe Laveist lo keda sorprendi di e cambio asina grandi cu tin y con
bunita el a keda.