Page 38 - MIN SJA 13 FEB 2016

Cuaresma REFLEXION B1
Diasabra 13 Februari 2016

Periodo liturgico di oracion y yuna

ORANJESTAD- Diaranson di shinishi ta e prome dia di Cuaresma riba e
kalender Cristian. E ta cay 46 dia prome cu Pasco di Resureccion y ta un
fecha movibel cu lo por cay hopi trempan manera p.e. un 4 di februari of
hopi laat, manera un 10 di maart.
Segun e Evangelio di Mateo, Marco y Lucas, Jesus a pasa 40 dia di yuna den de-
sierto, unda el a soporta tentacion di Satanas. Diaranson di shinishi ta marca e co-
mienso di e 40 dia di periodo liturgico di oracion y yuna. Di e 46 dianan cu falta
te cu Pasco di Resureccion, seis ta cay riba un diadomingo y diadomingo ta wordo
considera dia di celebracion durante di Cuaresma.
Diaranson di Shinishi ta deriva di e practica di pone un marca di shinishi riba e
frenta como un recordatorio y celebracion di e mortalidad humano, y como un se-
ñal di duele y penitencia cu Dios. E shinishi cu ta wordo uza mayoria biaha ta resto
di e kimamento di e palmanan di diadomingo di Palma di e aña anterior.
Den mayoria liturgico pa diaranson di Shinishi, e salmo penitenciario ta wordo lesa,
Salmo 51. E ta asocia specialmente pa e dia aki.
Den Iglesia Catolico, Diaranson di Shinishi ta wordo observa como un dia di yuna
y abstencion di carni, y penitencia.

Historia
Den temponan antiguo, shinishi tabata wordo uza pa demostra luto. Huntando bo
curpa cu shinishi tabata un manera di expresa arepentimento pa pica y faltanan co-
meti. Un ehempel di esaki, por wordo haya den Job 42:3-6, unda Job ta bisa Dios:
“Bo a pidi mi scucha mientras Bo tabata papia y pero awo mi a mira Bo cu mi propio
wowo. P’esey mi ta humilia mi mes y mi ta hala palabranan atras abiertamente,
sinta den stof y shinishi”. Profeta Jeremias, por ehempel, ta papia di penitencia di e
siguiente manera:”Oh yiu di mi pueblo, pone paña di rouw na boso curpa, lora abao
den stof ”. Profeta Daniel ta recorda di su suplica nan Dios na e manera aki: “ Mi a
dirigi mi oracion y suplicanan na SEÑOR, mi a yuna, mi a bisti paña di penitencia
y mi a stroi shinishi riba mi cabes.
Otro ehempel por wordo haya den varios otro bukinan den Bijbel, incluyendo
Numbernan 19:9, 19:17, Jona 3:6, Mateo 11:21, Lucas 10:13 y Hebreonan 9:13,
Ezekiel 9:3-4 ta papia di e mensahero bisti di linnen marcando un señal riba e frenta
di tur hende cu ta keha y suspira pa e practicanan repugnante di e ciudad. Tur esun-
nan cu no tin e marca ta wordo destrui.
Diaranson di Shinishi ta marca e comienso di e periodo di e 43 dia cual ta haci alu-
sion na e separacion di Hesus den desierto pa yuna y haci oracion. Durante e tempo
aki el a wordo tenta door di Satanas. Mientras cu Bijbel no ta specificamente papia
di esaki, e ta similar na e 40 dianan cu Moises a haci penitencia y haci yuna.
Fechanan futuro Diaranson di Shinishi ta un fecha cambiabel, 40 dia prome cu
Pasco di Resureccion. Na 2014 el a cay riba 5 di maart, dia 18 di februari na 2015 y
10 di februari na 2016. Den e añanan binidero, esaki lo ta riba e siguiente fechanan:

E fecha mas trempan cu Diaranson di Shinishi por cay ta 4 di Februari (den un
aña normal unda cu Pasco di Resureccion ta wordo celebra dia 22 di Maart), cual a
sosode na 1573, 1668, 1761 y 1818 y e siguiente lo ta na 2285. E fecha mas laat cu
esaki por sosode ta 10 di Maart (ora cu Pasco di Resureccion wordo celebra dia 25 di
April). Esaki ta sosode na 1546, 1641, 1736, 1886 y 1943. E lo bolbe sosode na 2038.
Diaranson di Shinishi nunca a sosode riba un Aña Bisiesto (Schrikkeljaar) (29 di
Februari) y lo no sosode como tal te na 2096. E unico otro añanan di e di tres mi-
lenio cu lo tin un Diaranson di Shinishi riba 29 di Februari ta 2468, 2688, 2840 y
2992. (Diaranson di Shinishi ta cay riba un 29 di Februari solamente si Pasco di
Resureccion ta cay riba 15 di April den un Aña Bisiesto/Schrikkeljaar).q

2016

ARUBA DOET 11 & 12 di Maart 2016

E evento boluntario mas grandi na Aruba pa yuda nos organisacionnan social
NOS TA ON pa duna un man! Abo tambe?

Scoge un trabou y registra awo como boluntario riba www.arubadoet.com!

Mayoria di e trabounan di ARUBA DOET ta un mitar dia riba diabierna of diasabra, boluntarionan ta traha hunto bou guia di organisacion social.
Pa mas informacion of yudanza? Yama ARUBA DOET 528-7666 of mail info.arubadoet@gmail.com