Page 26 - AM 23JAN,2016

26 AWEMainta Diasabra, 23 Januari 2016

Dianan 23, 24 y 25 di januari proximo:

Dia di Betico ta wordo celebra cu un
delicioso brunch criollo na Aquarius
Restaurant den Renaissance Mall

TUR aña di nobo ta recorda e gran personahe y politico Arubano, Betico

Croes. Ta celebra su logronan, lucha y amor pa nos pais. Anualmente,
Aquarius Restaurant, situa den Renaissance Mall, ta celebra Dia di
Betico na un manera special brindando su clientenan un oferta
netamente ‘criollo’. E aña aki por probecha di e special du-
rante 3 dia. Riba diasabra 23, diadomingo 24 y dialuna
25 di januari cu ta Dia di Betico.

Pa celebra di Dia di Betico disfrutando di platonan
suculento haci bo reservacion trempan. Aquarius a
prepara un buffet extenso cu lo brinda tur bishitante
local un brunch varia y rico na sabor ‘criollo’ cuminsando
for di 12’or di merdia te cu 3:30 di atardi pa unicamente
$32.95 pa persona (exclusivo Service Charge). Corda cu
tur mucha entre 5 y 12 aña ta come pa mita di prijs.
Aquarius Restaurant conoci pa su salad bar bon surti
ta invita tur famia di Aruba pa bini hunto y disfruta
di un dushi buffet, cu lo figura platonan di lama y
cosnan di boca dushi tambe. Ta sigur cu un y tur
lo disfruta!

Pa reservacion yama 523-6156. ‘Like’ Aquarius
Restaurant su pagina di Facebook y keda na al-
tura di tur oferta y campañanan special. For di
awo, Aquarius Restaurant
ta desea henter pueblo di
Aruba un feliz Dia di Betico.