Page 80 - PRURookie90_full

PRURookies 90天啟航計劃 退休保障話術
六代同堂
顧問: 陳生，講到退休管理，其實係理財規劃當中最重要嘅一環，因為佢需要嘅開 支比任何一個計劃都要多，而大多數香港人都認同退休計劃嘅重要性。
客戶: 係呀，梗係要好好諗下啦。
顧問: 陳生有冇諗過第日自己會兒孫滿堂呀? 客戶: 梗係有啦。
顧問: 我想比一張相你睇呀。喺美國有個家庭有成六代同堂，由年長開始數起:阿 媽、阿女、阿孫、曾孫、玄孫、來孫。老三代已經超過七十歲，唔可能再做 嘢，而最細嘅來孫呢，只係一個BB，只得曾孫同玄孫仲有返工。其實呢個 六代同堂嘅情況，將來喺全世界都會陸續出現，由兩個壯年養活另外四個家 眷。所以六代同堂是禍是褔呢?到時下一代或兩代佢哋養唔起我哋，即係唔 能夠再靠養兒防老啦，咁就唯有靠我哋而家做好自己嘅退休管理喇。
客戶: 都啱嘅。
顧問: 所以點樣做退休安排，我哋今日就要開始計劃喇。
不靠強積金
顧問: 陳生，講到退休管理呢，我都想同你傾下一個社會現象。
客戶: 咩野現象咁特別呀?
顧問: 我哋有無諗過呢，點解啲外國人退休之後可以四圍去旅行，環遊世界?而 點解我哋啲老人家退休之後要做看更，做清潔，甚至執紙皮呢?
客戶: 係喎!點解呢?
顧問: 其實好簡單之嘛，就係因為外國有一個好嘅退休制度，而我哋香港無囉。 我哋唯一有嘅，就只係強積金。大家睇電視聽新聞都知強積金根本保障唔 到我哋退休後嘅生活需要。與其要淪為一個為揾食而繼續工作嘅退休人士 ，倒不如我哋為自己準備一個好嘅退休安排，令我哋能夠好似啲先進國家 嘅人咁，到時周遊列國，過自己理想嘅退休生活!
客戶: 係喎....
顧問: 所以點樣做退休安排，我哋今日就要開始計劃喇。
第13天 退休策劃
80