Page 155 - ҚАЗАҚ ӘДЕБИЕТІ. 5-СЫНЫП. АТАМҰРА-2017

беттің құлықсыздығын аңдаған соң-ақ бала да көп аялдамай,
бұлаң етіп теріс айналып кетті.
...Қолжуғыш маңына енді бара бергенде, тағы да Есмағамбет­
тің жанына Сержан үйіріле кеткені.
– Сен бұл жолы мені Алматыға алып кетпей-ақ қой, – деді
бала мұндайда құшақтай кетіп немесе қолынан ұстай қоятын
әдетін де жасамай, томсырайып тұрып.
– Неге? А-аа? – деп қолын жуып жатқан Есмағамбет балаға
берген уәдесі енді есіне түскендей сасқалақтап қалған.
– Кейін барасың ба? Тағы бір келгенімде...
Бала жауап берген жоқ. Ол тіпті мұның жүзіне де тура қара­
май, көздерін әлдеқайда алып-қашып тұрды.

диалог – әдеби шығармада екі кейіпкердің не­
месе бірнеше адамның сөйлесуі.

: 3-тапсырма.

1. Әңгіменің бөлімдеріне ат қойып, баяндалатын оқиға
туралы өз пікірлеріңді білдіріңдер.

2. Шығарма кейіпкерлері туралы дәптерлеріңе мінездеме
жазыңдар. Мінездемені әңгімеден үзінді келтіре отырып, дәлел­
деңдер.

Кейіпкер Мінездеме әңгімеден үзінді

Есмағамбет

Сержан

4-тапсырма. Берілген үзінділерде кейіпкердің қандай
көңіл күйі білінеді? (Қобалжу мен қуануы, баланың
сағынышы, ішкі сырын ақтаруы, бар ықыласымен
қызмет етуі және жақсы көруі).

135