Page 28 - AWEMAINTA
P. 28
28 AWEMainta Diasabra, 11 Augustus 2018
Corsou
Kòrsou den e programa hit
di televishon aleman ‘The Bachelorette’
WILLEMSTAD- Den e penúltimo episodio di e
show akí su temporada aktual, bachelorette Nadine
Klein a bai riba tres ‘dream date’ na e islanan ABC, un
riba kada isla. E episodio, transmití dia 29 di ougùstùs,
ta mustra un variedat di aktividat i sitio di interes
na Kòrsou, posishonando e isla den merkado aleman
komo un destinashon vakashonal romántiko i variá.
E promé sita di bachelorette Nadine Klein ku su pre-
tendiente Filip Pavlovic a kuminsá ku un emoshonante
seshon di baha for di haltu via kabuya na brùg Juliana,
ku un bista espektakular di Willemstad for di altura.
E pareha a sigui ku nan trep den e famoso Volkswagen
bùs ‘Betty’, pa haña un bista mas amplio di Kòrsou su
naturalesa i paisahenan.
E protagonistanan a hasi un parada pa disfrutá di un
piknik romántiko na un playa privá serka di Porto Ma-
rie. E date a terminá ku un sena eksklusivo na Baoase
Luxury Resort, kaminda nan a pasa anochi.
Ofisina di Turismo di Kòrsou (CTB) a apoyá e fil-
mashon i produkshon, ku a tuma lugá na yüni di e aña
akí.
E show, mashá gustá internashonalmente, a promové
Kòrsou via medionan sosial, via su wèpsait i tambe me-
diante un rifa pa gana un biahe pa nos isla, ku a keda
transmití durante e espasionan komersial di e penúl-
timo episodio.
Regularmente e show ta hala hopi atenshon den e me-
dionan di komunikashon aleman di ‘lifestyle’ i serka
públiko en general. The Bachelorette a logra hasi e
futuro bishitantenan mas konsiente di nos isla komo
destinashon, nèt na ora pa e vuelo inougural di Condor
for di Frankfurt/Main pa Kòrsou ku lo tuma lugá na
novèmber di e aña akí.
E episodio riba 29 di ougùstùs a alkansá e ‘rating’ mas
haltu di tur transmishon ku a bai den aire durante
‘prime time’, i a bira e di dos episodio di Bachelorette
mas mirá di henter e temporada.
Na tur, 1.99 mion televidente, ku edat ku ta varia entre
14 i 49 aña, a sintonisá e show riba kanal di televishon
RTL.
