Page 27 - AVB

un persona clave y parti di e culminacion y drama di e evento aki. Sr. Carmichael
Bikker a anuncia e tres finalistanan pa e premio mayor, e Futbol Aruba Ballon D’OR, pa
e mihor hungador di e futbol di Aruba di e campeonato 2017-2018.

Ricky Hodge, di SV Dakota; delantero clave pa e Abehanan, Ricky su talento, esfuerzo
incansabel y su “fighting spirit” inigualabel, tabata clave pa a yuda su equipo gana un
campeonato despues di hopi tempo.

Kenroy Ranger, di SV Deportivo Nacional; delantero importante pa e ekipo di Nort, cu
un olfato di gol sensacional y un condicion fisico impactante, a logra yuda su ekipo
Dragon bai te final den a campeonato pasa.

Paul Nickenson, di SV Dakota; un defensa central cu por hunga mei mei den defensa,
por hunga den rol di ‘libero’, e por hasta subi busca gol y asisti den medio-campo, un
talento especial sin duda, clave pa e campeonato Dakotero e campeonato pasa.

Na final, Carmichael Bikker a anuncia e ganado di e “Ballon D’Or” pa 2018, e ganado a
resulta di ta Paul Nickenson, di SV Dakota. Un momento di berdad importante y
dramatico, un momento yena cu emocion, unda alegria y lagrima a reina, paso nos
futbol a gana, nos hungadonan a haya nan mereci. Pabien Paul Nickenson, Pabien

Futbol, pabien Aruba!

https://www.diario.aw/2018/10/paul-nickenson-di-sv-dakota-a-haya-ballon-
dor-2018/