Page 25 - AVP

Lider Di Fraccion Di AVP, Marlon Sneek – Prome

Minister Por Tuma Ehempel Di Kico Ta Integridad For

Di Richard Arends

 Politica
- 22/08/2019

Den forma contundente lider di fraccion di AVP, sr. Marlon Sneek, a mustra cu AVP ta
sinti su mes sumamente orguyoso di tin un persona manera Richard Arends, den su seno
y cu e ta forma parti di e fraccion berde y cu ta haci e fraccion fuerte cada bes cu mester
bin dilanti.

“Nos ta lamenta c’un Prome Minister ta presta su mes p’e tipo di haci politica baho
manera cu el a haci.

Nos ta lamenta c’un Prome Minister ta saca documentonan oficial for di un departamento
y den e caso aki un compania estatal, pa duna su Parlamentarionan pa nan bin haci
shisheria den Parlamento.

Pa nos esaki ta di condena, sigur ora cu abo t’e persona cu ta bisa cu integridad ta haci lo
corecto hasta ora ningun hende ta mira, anto awe pueblo por mira ken e Prome Minister
aki ta.

Awe nos ta mira cu e ta coy documento, zwaai cun’e, pero ta lubida di bisa cu e persona a
informa e accionista cu ta pais Aruba y RdA: danki, pero cu su persona lo bay sirbi su
pais.