Page 35 - HOSPITAAL

E asociacion profesional di fisioterapia di Corsou, Aruba y St. Maarten a firma un

Memorandum of Understanding pa tin miho cooperacion entre nan, bou auspicio di

Koninklijk Genootschap voor Fysiotherapie (KNGF) di Hulanda.

Esaki a tuma luga fin di September na Corsou, durante e “Spinal Cord Injury Congres

2018”. E presidentenan; Jerry Brandon (Corsou), Marlon Maduro (Aruba) y Peter Prinsen

(St. Maarten) a reuni hunto cu otro miembro di directiva, conseheronan y un manager pa

maneho di calidad di KNGF. Nan a palabra pa traha mas intensivo riba e topiconan

garantia y mantencion di calidad.

Esaki ta un prome paso importante pa mehoracion den e maneho cu e 4 paisnan

(Hulanda, Corsou, Aruba y St. Maarten) a palabra den un otro conferencia anteriormente,

pa sostene otro den mehoracion di calidad den salubridad publico.

E Presidentenan di e 3 asociacionnan profesional di fisioterapia ta di opinion cu e
exigencianan di calidad pa un fisioterapista mester ta mescos entre e islanan CAS y BES.

Na e momento aki e exigencianan di calidad ta diferente pa cada isla; no tin, of nan ta

minimal of nan ta formula irealistico. Door di traha hunto riba palabracionnan di calidad,

den futuro lo por yega na garantia di calidad colectivo. E tres asociacionnan profesional a

presenta e puntanan aki na e representante di KNGF.

Na Hulanda KNGF ta representa e grupo mas grandi di fisioterapistanan y ta responsabel

pa e supervision di e registro di calidad. Lo ta un tremendo posibilidad pa lanta un

registro di calidad pa fisioterapia den Caribe cu ayudo di KNGF, ta opinion di e 3

presidentenan. Pa por logra esaki, politica, pero tambe e otro partnernan gobierno y

seguronan, mester ta habri pa dialogo y cooperacion.