Page 28 - ARUBA BANK

26 AWEMainta Dialuna, 19 December 2016

Aruba Bank celebrando fin di aña cu comunidad

Un y tur ta invita pa bin

celebra e Fiesta di Pasco

na Rotonde di Hato

FIN di aña ta un temporada hopi dushi, unda cu bira tin un cel-
ebracion. Ciere di un aña y preparando pa e proximo. Caminda cu
draai tin fiesta y loke ta mas importante, e bini hunto di famianan
na trabao of na cas. Un di e celebracionnan cu ta hala mas atencion
den e ultimo tempo ta uno cu a nace un par di aña pasa: E ilumi-
nacion di nos rotondenan – cu awe ta un parti di nos tradicionnan
di fin di aña.

Pa simannan largo comunidad den e barionan hunto cu compani-
anan, instancianan y organisacionnan ta bini hunto manera un famia
planificando y ehecutando p’asina brinda un y tur cu ta transita
nos careteranan un mundo di fantasia di luz y decoracion di un di
e temporadanan di aña di mas bunita.

Un team di coleganan di banco a bini hunto y haci e trabao y cu un
danki hopi grandi na Elmar NV cu a yuda pa e conexion di coriente
necesario, dialuna awor Aruba Bank oficialmente ta yama e tempo-
rada di fin di aña un bon bini cu un celebracion sin igual.

Cuminsando for di 6’or di atardi te cu 8’or di anochi un y tur ta invita
pa pasa un rato y disfruta di un programa di celebracion, inlcuyendo
musica, show y e treatnan dushi di e temporada.
Pa e ocasion aki Aruba Bank ta presenta cantantenan Maykxionne
Maduro, Nayella y Jaden Thijzen, Javinah Su Angelnan, Ivy Anne
Brijsen Y Jorzinho Thijssen cu lo deleita un y tur presente cu canti-
canan di temporada den bosnan angelical.

Pero esaki no ta tur! No ta cantantenan so lo t’ey…Aruba Bank a
inclui baile tambe cu presentacion di Kids 2 Kids cu lo tey pa en-
tretene un y tur presente. Un programa completo unda un y tur por
pasa un rato y tambe disfruta di e dushi ambiente di Katatumbo.

Un ambiente unda e comunidad por ta cu otro den union, felicidad
y prosperidad!