Page 2 - AVP
P. 2
Diabierna, 21 juni 2019 AWEMainta 7
Parlamentario Michael Lampe (AVP):
Reunionnan den sala
di parlamento ta
carece profesionalismo
FRACCION di partido AVP a yama un reunion
publico diaranson ultimo cu na final a bira un
“bijeenkomst” den Parlamento. Ta bibando hopi
preocupacion den enseñansa general riba nos isla
n’e momento aki.
Detayenan a bin dilanti di parti di Minister Rudy
Lampe, mientras fraccion di AVP a keda vigila
bienestar di educacion riba Aruba.
Parlamentario Michael Lampe a bisa cu for di e
contestanan di e Minister, por a conclui cu e lo
procede cu su plannan sin tene cuenta cu con-
secuencia. A haci un apelacion p’e reconsidera y
dialoga cu esnan den e mundo di enseñansa.
Inovacion y cambio semper ta bon-bini, pero
enseñansa mester di atencion debido y p’esaki
ta importante con ta atende cune pa mira si e ta
acopla/conecta cu e necesidadnan cu tin den ense-
ñansa.
A tuma nota tambe di hopi wega politico cu ta
tuma lugar den Parlamento.
“Pa yega na un nivel di discucion mas fructife-
ro pa tur hende, mester stop di punta dede”. Na
momento cu cuestiona maneho ta pone un label
berde y pone partido AVP tras di malcontento
general.
No ta alcaso y no t’e punto di bista pa atende cune
den reunionnan caminda tin profesionalnan den
sala. Tin cu atende den forma neutral y profe-
sional, mientras preguntanan serio ta bin dilanti
riba educacion di nos pais.
Pa finalisa Michael Lampe a bisa cu fraccion di
AVP a haci su best y a para p’esnan den veld cu
ta preocupa riba nan situacion actual. Tur cos ta
keda den man di Minister y e Gobierno aki awor.
