Page 23 - AVP

Corte A Pospone Sentencia Fundacion Lotto Pa

Deporte Pa Di 8 Biaha, Veredicto Lo Por Dia 11 Di

September

 Featured
- 20/06/2019

Tur hende a keda sorprendi diahuebs mainta, ora cu a tende cu un biaha mas, Corte a
pospone e sentencia den caso di Fundacion Lotto pa Deporte, y a manda esaki te 11 di
september proximo.

Kico t’e motibo pakico ainda Corte no por yega na un veredicto, mester ser splica. E ta
causando un frustacion sigur pa Gobierno, cu tin intencion di haci cambionan den
maneho y dirigencia di Fundacion Lotto pa Deporte.

Ta for di aña pasa october, Corte a bin ta pospone esaki casi tur luna. Awor a pospone
esaki un biaha mas diahuebs mainta, pasobra aworaki Corte ta drenta den periodo di
receso tambe.

E ultimo biaha cu a pospone esaki, e tabata posponi pa 10 di mei, pero despues a pospone
esey te cu e fecha di ayera.

Corte diahuebs mainta a mande pa un fecha nobo, 11 di september. Como tal, atrobe,
Gobierno mester warda un poco mas pa sa si e por haya control bek den e Fundacion
Lotto pa Deporte.