Page 39 - AVP

Lider di fraccion di AVP Marlon Sneek ta haya hopi baho di Minister di Enseñansa pa

insinua cu maestronan ta laga nan mes wordo uza of guia door di partido politico den e

campaña contra su persona.

El a bisa tambe cu e maestronan tin un sindicato cu ta representa nan tur den nan

problemanan y di loke AVP a mira y scucha te awor, nan tin razon pa expresa nan

preocupacionnan.

E reunion cu fraccion di AVP a pidi riba e problemanan di entre otro mudansa di SPO y e
problemanan na Traimerdia, a tuma luga diamars merdia. Pero pa nan sorpresa, e no

tabata un reunion publico sini un encuentro publico. E diferencia ta cu den un encuentro

publico ta simplemente informacion ta wordo intercambia y ningun decision por ser

tuma. “Den un reunion publico por duna direccion di kico Parlamento kier pa e Minister

haci, por ehempel via di un mocion, pero awo nos por duna nos pensamentonan y e por

simplemente pone nan un banda.”